Індыйскі мільярдэр памёр пасля таго, як праглынуў пчалу падчас гульні ў пола
53-гадовы Санджай Капур быў старшынёй праўлення сусветнага вытворцы аўтамабільных запчастак Sona Comstar.
Індыйскі мільярдэр Санджай Капур памёр на гульні ў пола. Ён страціў прытомнасць падчас матчу ў Вялікабрытаніі, пасля таго як праглынуў пчалу, што выклікала сардэчны прыступ са смяротным зыходам, піша The Mirror.
Пчала ўкусіла Капура ў рот, што магло справакаваць анафілактычны шок, які прывёў да спынення сэрца.
Медыцынскія эксперты кажуць, што ўнутраныя ўкусы могуць быць смяротнымі, асабліва калі ў чалавека не дыягнаставана алергія. Укус у горла або дыхальныя шляхі можа выклікаць ацёк, перакрыццё дыхальных шляхоў, раптоўнае падзенне крывянога ціску і спыненне сэрца. Дакладная прычына смерці ўсё яшчэ высвятляецца.
53-гадовы Санджай Капур быў старшынёй праўлення сусветнага вытворцы аўтамабільных запчастак Sona Comstar. Ён таксама быў добра вядомы сваёй любоўю да пола і гучнымі шлюбамі. Калісьці ён быў жанаты на зорцы Балівуда Карышме Капур. Пазней яна падала заяву аб хатнім гвалце, заявіўшы, што аднойчы муж сышоў гуляць у пола, калі іх сын быў вельмі хворы.
Капур, які рэгулярна наведваў каралеўскія спаборніцтвы па пола, быў прыяцелем прынца Уільяма.
Цяпер чытаюць
Польскі блогер наведаў Беларусь — некаторыя яго высновы вас здзівяць14
Каментары