«Pry normie ŭ 12 pacyjentaŭ prymaje 30». Sud z-za vydalenaha zuba ŭ Rahačovie pakazaŭ niedachop daktaroŭ u rehijonach
Mužčynie nie da kanca vydalili zub, u vyniku jon trapiŭ u balnicu. U paliklinicy ŭsio patłumačyli vysokaj nahruzkaj.
Žychar Rahačoŭskaha rajona padaŭ u sud na palikliniku za kiepska vydaleny zub. Padrabiaznaści raspaviali ŭ Homielskim abłasnym sudzie.
Mužčyna pryjšoŭ da stamatołaha ŭ mai minułaha hoda. Doktar vydaliŭ jamu zub pad miascovym narkozam. Praź niekalki hadzin, kali zamarozka prajšła, pacyjent adčuŭ mocny bol u rocie i ŭbačyŭ tam vialikuju ranu. Ale ŭ palikliniku tady nie pajšoŭ.
U žniŭni mužčyna apynuŭsia ŭ taho ž doktara i pa toj ža pryčynie. Stamatołah-chirurh vydaliŭ jamu jašče adzin zub. Historyja paŭtaryłasia, nieŭzabavie paśla vydaleńnia pacyjent adčuŭ mocny bol. Tady jon vyrašyŭ pajści ŭ pryvatnuju kliniku.
Tam jamu zrabili tamahrafiju. Akazałasia, zub byŭ vydaleny nie całkam. Doktar paraiŭ mužčynu znoŭ pajści ŭ palikliniku i ŭziać u lekara nakiravańnie ŭ balnicu da skivična-tvaravaha chirurha.
U paliklinicy pacyjenta ŭžo ŭ treci raz adpravili da taho ž stamatołaha-chirurha. Mužčyna śćviardžaje, što hladzieć zdymki lekar nie staŭ, a pasprabavaŭ sam vydalić astatniuju častku zuba. Ale zrabić heta ŭ jaho, vidać, nie atrymałasia.
Stan mužčynu nie palepšyŭsia. Tolki ŭ listapadzie jon zmoh narešcie atrymać nakiravańnie ŭ balnicu. U stacyjanary jamu pryjšłosia pravieści dziesiać dzion i pieranieści apieracyju. Paśla vypiski pacyjent padaŭ u sud na palikliniku i paskardziŭsia ŭ Minzdaroŭja.
Na sudzie pradstaŭnik palikliniki častkova pryznała vinu i pazova na 200 rubloŭ. Jana pahadziłasia, što pry vydaleńni zuboŭ byli dapuščanyja niedachopy, a mienavita nie było praviedziena renthienaŭskaje daśledavańnie, niedastatkova poŭna aformleny dakumienty, nie paznačana pryznačanaje jamu lačeńnie.
Adnak juryst patłumačyła, što vydaleńnie było składanym. Pacyjenta nie nakiravali na zdymak, tamu što doktar byŭ upeŭnieny ŭ tym, što vydaleńnie prajšło paśpiachova. A jašče pradstaŭnik palikliniki prasiła ŭličyć, što pry normie pryjomu ŭ dzień 12 čałaviek lekar prymaje 30 čałaviek. Tamu jon nie ŭ stanie nadać dastatkova ŭvahi kožnamu pacyjentu.
Sud u vyniku spahnaŭ z palikliniki ŭ karyść mužčyny 800 rubloŭ kampiensacyi maralnaj škody.
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary
a kalijka vied́ u nas užie niemnožiečko podzakančivajetsia
takije riesursy nie viečny
vsie jeŝie nie sjezdili u muzej edmundoviča našieho dzieržinskoho