Kit Kiełah raskazaŭ pra viartańnie Rasii ŭ «Lihu Nacyj» i paraŭnaŭ Zialenskaha ź Linkalnam
Śpiecpradstaŭnik prezidenta ZŠA pa pytańniach Ukrainy Kit Kiełah, pryciahnuty da mirnaha ŭrehulavańnia, raskazaŭ pra «pačućcio ŭpeŭnienaści» paśla aznajamleńnia z bačańniem Kijeva i Maskvy adnosna spynieńnia vajny, piša Ukrainskaja słužba «Radyjo Svaboda».
«My ŭziali ŭkrainski dakumient, potym rasijski — jany zavuć jaho miemarandumam… I my skazali: dobra, jak vy možacie abjadnać hetyja dva dakumienty razam, kab dasiahnuć kančatkovaha stanu?
I ciapier my dastatkova ŭpeŭniena siabie adčuvajem. My viedajem, jak moža i pavinien vyhladać kančatkovy stan. I kali b my mahli prosta dajści da hetaha momantu, to, ličym, heta možna «vyjhrać». Pad vyjhryšam ja maju na ŭvazie mahčymaść dajści da mirnaha pahadnieńnia», — zajaviŭ Kiełah u Bruseli padčas forumu niamieckaha Fondu Maršała.
Adkazvajučy na pytańnie, jak mienavita moža vyhladać «kančatkovy stan», Kiełah skazaŭ pra usioachopnaje spynieńnie ahniu.
«Spynieńnie ahniu na miescy — heta značyć na ziamli, na jakoj vy fizična znachodziciesia», — rastłumačyŭ čynoŭnik, na jakich pazicyjach heta pavinna adbycca.
«Paśla my chočam dajści da viartańnia dziaciej, pałonnych, jakija tam znachodziacca, što zrabiła b ustojlivaje spynieńnie ahniu doŭhaterminovym i ŭstojlivym nie tolki dla ŭkraincaŭ, ale i dla Jeŭropy.
Potym — pasprabavać viarnuć ruskich da taho, što ja b nazvaŭ Lihaj Nacyj. Tak što ŭsie pracujuć razam… Vy ŭsie možacie žyć z vynikami hetaha ŭ doŭhaterminovaj pierśpiektyvie», — padkreśliŭ Kiełah.
Śpiecpradstaŭnik Donalda Trampa čarhovy raz adznačyŭ kolkaść achviar z abodvuch bakoŭ, nazvaŭšy heta «zabojstvami pramysłovaha maštabu». Pavodle jaho, sumarna zabitych i paranienych — bolš za 1,2 miljona.
Asobna Kiełah adznačyŭ namahańni Uładzimira Zialenskaha, a taksama asobna spyniŭsia na vyklikach, ź jakimi sutykajecca ŭkrainski lidar. Kiełah skazaŭ, što źviartaŭ na heta ŭvahu prezidenta ZŠA.
«Ja skazaŭ: ser, u nas nie było amierykanskaha prezidenta z časoŭ Aŭraama Linkalna, jaki b pavinien byŭ rabić toje, što zrabiŭ prezident Zialenski. Jon viadzie vajnu za nacyjanalnaje vyžyvańnie na svajoj ułasnaj ziamli… Kali vy heta bačycie, vy pavinny šanavać prablemy, ź jakimi jany sutykajucca ciapier na miescach. Dumaju, časam my hetaha nie bačym», — zaŭvažyŭ Kiełah.
«Hučnaja noč u Kijevie, tata!» — dačka hienierała Kiełaha stała hierojem sacsietak
Śpiecpradstaŭnik ZŠA prakamientavaŭ ataki ŭkrainskich dronaŭ pa rasijsikich aeradromach padčas apieracyi SBU «Pavucińnie»
Śpiecpradstaŭnik Trampa adkazaŭ Miadźviedzievu: Zajava nie adpaviadaje statusu suśvietnaj dziaržavy
Kiełah: ZŠA razhladajuć mahčymaść raźmiaščeńnia zamiežnych vojskaŭ va Ukrainie
Kamientary
1 Samaachviarnaści mužnaści addannaj častki nasielnictva ZSU
2 NAŽAL dapamoha ZŠA Eŭraźviaza ich bačańnia
Z Kałaps kiravańnia na rf ..amal adrazu paśla 24 Lutaha 3 čyńnika jakija dźla siabie ińšym prapanavał
Nakont vzdornaha supier stara i jaho kłaaki - administracyi taksama zrazumieła da druhoha abrańnia
Ad ZŠA Trampa administracyi zaraz sieńnia tolki zbroja patrebna i Mahčyma zaraz ..
Hladzi, synok. Heta nazyvajecca "hieapalityka".
Počiemu vy tormozitie pomoŝ kotoraja uže utvierždiena Sienatom Konhriessom..
Jeść spadziavańnie dapamoha dajdzie
I nadzieja na instinkt samazachavańnia u Staroj Eŭropy i hrošy na zbroju