Jeŭrasajuz choča ŭvieści poŭnuju zabaronu na zakupku praduktaŭ z rasijskaj nafty
Jeŭrapiejskaja kamisija prapanuje novyja sankcyi suprać Rasii — užo 18-y pakiet, u jakim praduhledžvajecca poŭnaja zabarona na kuplu naftapraduktaŭ, vyrablenych z rasijskaj nafty, navat kali jany prajšli pierapracoŭku ŭ trecich krainach.
Choć pramoje embarha na rasijskuju naftu ŭ ES dziejničaje ź lutaha 2023 hoda, kampanii ź Indyi i Turcyi praciahvajuć kuplać tannuju rasijskuju naftu, pierapracoŭvać jaje i pradavać naftapradukty ŭžo ŭ Jeŭropu.
Kiraŭnica Jeŭrakamisii Ursuła fon der Lajen zajaviła, što Jeŭrasajuz choča spynić takija «abychodnyja šlachi» pastavak rasijskaj nafty i ŭvieści zabaronu na impart praduktaŭ, vyrablenych ź jaje. Taksama płanujecca źnizić cenavuju stol z 60 da 45 dalaraŭ za barel.
Naprykład, u Indyi adna z najbujniejšych naftapierapracoŭčych kampanij Nayara Energy na 49% naležyć «Rasnafcie». A Turcyja navat biez ułasnych zavodaŭ značna pavialičyła zakupki nafty i paliva z Rasii, adnačasova rezka naroščvajučy ekspart u ES.
Pavodle analitykaŭ, ź lutaha 2023 da lutaha 2024 hoda Turcyja impartavała rasijskich naftapraduktaŭ na 17,6 miljarda jeŭra — na 105% bolš, čym u minuły pieryjad. Za toj ža čas ekspart tureckaha paliva ŭ ES vyras na 107%.
Niahledziačy na abmiežavańni, mnohija pasiaredniki praciahvajuć abychodzić sankcyi, u tym liku praź pierahruzku nafty ŭ mory abo jaje źmiešvańnie ź inšymi hatunkami. Całkam spynić pastupleńnie rasijskich naftapraduktaŭ u ES budzie składana.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary