Śledčy kamitet nakłaŭ aryšt na kvateru hramadskaha aktyvista Dźmitryja Karniajenki, jaki rodam z Oršy, ale doŭhi čas žyŭ u Viciebsku. Paviedamleńnie pra aryšt, zrobleny 29 traŭnia 2025 hoda pa rašeńni Viciebskaha haradskoha adździaleńnia Śledčaha kamiteta, pryjšło na aršanski adras jaho baćki, piša «Viciebskaja viasna».
Dźmitryj Karniajenka ŭžo niekalki hadoŭ znachodzicca ŭ vymušanaj emihracyi, ale praciahvaje zajmacca hramadskaj dziejnaściu: u pryvatnaści, vynosić na publiku prablemy kamunalnaj śfiery ŭ Oršy i Viciebsku.
Jon taksama nieadnarazova źviartaŭsia ŭ siłavyja struktury i prakuraturu z patrabavańniem pravieryć niekatoryja internet-staronki, dzie, na jaho dumku, prysutničajuć prykmiety ekstremizmu. Havorka išła pra staronki ludziej, nabližanych da ŭłady — naprykład, žonki kiraŭnika abłvykankama, dyrektarki muzieja i h. d. Milicyja, adnak, na hetyja zvaroty nie reahuje.
U 2025 hodzie Dźmitryja dvojčy pryznali ŭdzielnikam «ekstremisckich farmavańniaŭ». Spačatku — za ŭdzieł u prajekcie «Chryścijanskaja vizija», jaki zajmajecca fiksacyjaj relihijnych i palityčnych represij u Biełarusi. U kancy krasavika jaho taksama ŭklučyli ŭ śpis za suviaź ź inicyjatyvaj «Narodny deputat», jakaja była pryznanaja «ekstremisckaj».
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary