Mask pasvaryŭsia z Trampam: prezident ZŠA ździŭleny napadkami miljardera
Adnosiny pamiž dvuma samymi ŭpłyvovymi ludźmi ŭ śviecie — Donaldam Trampam i Iłanam Maskam — rezka pahoršylisia. Paśla taho jak Bieły dom adklikaŭ kandydaturu sajuźnika Maska na kiraŭnika NASA, Iłan publična nazvaŭ padatkovy zakonaprajekt «miarzotnym» i zaklikaŭ: «KILL THE BILL». Tramp — ździŭleny i nie chavaje rasčaravańnia, piša WSJ.
Pavodle vydańnia, napružanaść pamiž Iłanam Maskam i Donaldam Trampam vyrasła paśla taho, jak Bieły dom admoviŭsia ad pryznačeńnia Džareda Ajzekmana, čałavieka ź blizkaha koła Maska, na pasadu kiraŭnika NASA.
Mask ličyć, što jaho siabra «adchilili niespraviadliva» i na heta adreahavaŭ rezka. Jon aburaŭsia, što zrabiŭ šmat dla pieramohi Trampa na vybarach, a ŭ adkaz — strata ŭpłyvu:
«Ja achviaravaŭ sotni miljonaŭ na vybarčuju kampaniju, i voś što atrymlivaju?»
U sacsietkach Mask abrynuŭsia na novuju padatkovuju inicyjatyvu respublikancaŭ, jakuju Tramp nazyvaje svajoj «vialikaj pieramohaj». «Heta miarzotny absurd!» — napisaŭ Mask. «KILL THE BILL!» — zaklikaŭ jon 200+ miljonaŭ svaich padpisčykaŭ.
Jon śćviardžaje, što dakumient škodzić ekanomicy i padryvaje budučyniu čystaj enierhietyki — asabliva praz admienu lhot dla elektramabilaŭ. Heta naŭprost bje pa Tesla, jakoj Mask kiruje.
Prezident Tramp nie kamientavaŭ krytyku naŭprost, ale, pavodle krynicy ŭ Biełym domie, jon «źbiantežany i nie razumieje, čamu Mask raptam staŭ voraham paśla čatyroch miesiacaŭ ščylnaha supracoŭnictva».
«Tramp umieje daravać, ale nie zabyvaje», — skazaŭ adzin ź jaho daradcaŭ.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Von Braun u Polščy pryzyvau viarnuć Venhiel ))