Usich apierataraŭ paštovaj suviazi abaviazali pieradavać infarmacyju pra svaje adpraŭleńni «Biełpošcie»
28 maja Pałata pradstaŭnikoŭ i Saviet Respubliki ŭchvalili źmieny ŭ zakon «Ab paštovaj suviazi». Zhodna ź imi, usie apieratary paštovaj suviazi ciapier buduć abaviazanyja pieradavać źviestki pra ŭsie adpraŭleńni ŭ sistemu «Biełpošty», paviedamlaje Infotrans.
Havorka idzie pra kampanii ź licenzijaj Minsuviazi, a takich u krainie ciapier 18.
Pavodle hienieralnaha dyrektara Asacyjacyi intermadalnych pieravozak i łahistyki Dźmitryja Kuračkina, hetyja kampanii pavinny buduć pieradavać u bazu danych infarmacyju pra ŭsie paštovyja adpraŭleńni — jak unutranyja, tak i mižnarodnyja. Apierataram hetaj bazy źjaŭlajecca «Biełpošta».
Akramia taho, źmieny praduhledžvajuć, što kampanii paniasuć dadatkovyja vydatki: padklučeńnie da sistemy kaštuje 300 rubloŭ, a za kožny tavar ci radok infarmacyi — jašče 0,18 kapiejki.
Novyja praviły, jak tłumačycca, uvodziacca dla taho, kab vyjaŭlać zabaronienyja dla pierasyłki praz poštu rečy i rečyvy. Dostup da adzinaj bazy dadzienych budzie mieć i MUS — dla patreb apieratyŭna-vyšukovaj dziejnaści.
Zakon jašče pavinien padpisać Łukašenka.
Kamientary