Na adzin z avijacyjnych aeradromaŭ Biełarusi prybyła novaja partyja źniščalnikaŭ Su-30SM2. Hetaja pastaŭka — častka płana pa raźvićci i madernizacyi biełaruskaha vojska, jaki realizujecca sumiesna z Rasijaj, paviedamiła Ministerstva abarony.
Jak paviedamiŭ kamandujučy Vajskova-pavietranymi siłami i vojskami supraćpavietranaj abarony hienierał-major Andrej Łukjanovič, ciapier u biełaruskaj armii pastupova abnaŭlajecca i madernizujecca ŭzbrajeńnie i vajskovaja technika. Novyja samaloty jon charaktaryzuje jak sučasnyja, šmatfunkcyjanalnyja i nadzvyčaj manieŭranyja źniščalniki. U ich palepšanaja radyjołakacyja, abarona ad pieraškod i sistemy elektronnaj baraćby.
Biełaruskija piłoty, pavodle słoŭ Łukjanoviča, užo prajšli navučańnie ŭ Rasii na hetych samalotach. U najbližejšy čas adbudziecca pryjomka techniki i jaje vyvučeńnie, a ŭžo na nastupnym tydni samaloty pačnuć vykonvać bajavoje dziažurstva pa SPA i buduć vykarystoŭvacca ŭ vučebnych palotach.
Akramia taho, čakajecca, što Biełaruś u hetym hodzie atrymaje jašče adnu partyju Su-30SM2, a ŭžo na hetym tydni čakajecca pastaŭka viertalotaŭ Mi-35M.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary