Ukraina paviedamiła pra hibiel u Rasii bolš za 200 vajennapałonnych

Hvałt u rasijskich turmach, vierahodna, staŭ adnym z faktaraŭ, jakija sadziejničali vialikaj kolkaści śmierciaŭ vajennapałonnych, zajavili pradstaŭniki pravaabarončych hrup, AAN, ukrainskaha ŭrada i ŭkrainski sudmiedekśpiert, jaki pravodziŭ uskryćci ciełaŭ vajennapałonnych.

Z 206 pamierłych u źniavoleńni ŭkrainskich vajennapałonnych bolš za 50 zahinuli pry rakietnym udary pa kałonii ŭ Jalenaŭcy letam 2022 hoda, jaki, zhodna z vysnovami ekśpiertaŭ manitorynhavaj misii AAN va Ukrainie, naniesła Rasija.

Jašče 245 vajskoŭcaŭ USU byli zabityja rasijskimi vajskoŭcami adrazu paśla zdačy ŭ pałon, vynikaje sa źviestak ukrainskich prakuroraŭ.

AP uziało intervju ŭ svajakoŭ 21 ukrainskaha vajennapałonnaha, jaki zahinuŭ u pałonie. Uskryćci, praviedzienyja va Ukrainie, pakazali, što piaciora pamierli ad sardečnaj niedastatkovaści, uklučajučy sałdat va ŭzroście 22, 39 i 43 hadoŭ. Čaćviora inšych pamierli ad suchotaŭ abo pnieŭmanii, a pa adnym zahinuli ad infiekcyi, aśfiksii i tupoha ranieńnia hałavy.

Adzin z vajennapałonnych padvierhnuŭsia katavańniu elektryčnym tokam i byŭ źbity ŭsiaho za niekalki dzion da śmierci ad sardečnaj niedastatkovaści i krajniaha źniasileńnia, vynikaje sa spravazdačy sudmiedekśpiertaŭ. Inšyja ŭskryćci pakazali, što na ciełach byli vyjaŭlenyja prykmiety hanhreny abo nialečanych infiekcyj.

Kolkaść zahinułych u turmach dadaje jašče adzin dokaz taho, što Rasija sistematyčna žorstka abychodzicca z pałonnym.

Čakajecca, što kolkaść zahinułych vajennapałonnych budzie raści pa miery viartańnia i apaznańnia ciełaŭ. Pry hetym u niekatorych vypadkach vyśvietlić pryčyny śmierci vielmi składana, pakolki ŭ ciełach vajskoŭcaŭ, jakija viartajucca, časam adsutničajuć unutranyja orhany, a ŭ niekatorych vypadkach siniaki i traŭmy schavanyja, havorycca ŭ publikacyi.

Drenny stan viernutych ciełaŭ taksama pieraškadžaje zrazumieć, ci nie padviarhalisia pałonnyja pierad śmierciu katavańniam, hoładu i drennamu miedycynskamu absłuhoŭvańniu, kažuć ukrainskija čynoŭniki. «Jany trymajuć cieły datul, pakul jany nie dasiahnuć stanu, kali ŭžo ničoha nielha budzie vyznačyć», — zajaviŭ pradstaŭnik Ukrainskaha Kaardynacyjnaha štaba ŭ pytańniach abychodžańnia z vajennapałonnymi Piotr Jacenka.

Rasijskija ŭłady nie adkazali na prośbu ab kamientary. Raniej Maskva abvinavačvała Kijeŭ u žorstkim abychodžańni z rasiejskimi vajennapałonnymi, nahadvaje AP. AAN paćvierdziła, što vypadki hvałtu va ŭkrainskim pałonie mieli miesca, ale adznačyła, što parušeńni z boku Ukrainy značna mienš raspaŭsiudžanyja i surjoznyja, čym tyja, u jakich abvinavačvajuć Rasiju, piša «Ahientstvo».

• 0
• 0
• 0
• 2
• 0
• 2
• 12
• 0