Łatuška admoviŭsia iści ŭ adstaŭku z-za źniknieńnia Mielnikavaj. Hetaha zapatrabavaŭ Piatruchin
Pajści ŭ adstaŭku Łatušku prapanavaŭ błohier i były palitviazień Siarhiej Piatruchin pa «prośbie ludziej ź internetu», piša «Biełsat».
Na IV Kanfierencyi biełarusaŭ i biełarusak śvietu, što prachodzić u Varšavie 23—25 traŭnia, asobnuju siekcyju pryśviacili pytańniam z zali i ź internetu da lidaraŭ demakratyčnych siłaŭ.
Delehat Kaardynacyjnaj rady, błohier Siarhiej Piatruchin spytaŭ sa spasyłkaju na «ludziej u internecie»: ci nie soramna Paŭłu Łatušku paśla historyi sa źniknieńniem śpikierki Kaardynacyjnaj rady Anžaliki Mielnikavaj, čamu jon dahetul nie syšoŭ u adstaŭku, a «źjaŭlajecca na ludziach»?
Piatruchin nie ŭdakładniŭ, ź jakoj pasady maje pajści Łatuška. Toj jość delehatam KR i lidaram najbujniejšaj frakcyi ŭ KR «Kamanda Łatuški i ruch «Za svabodu»», da jakoj naležała i Mielnikava, a taksama pradstaŭnikom Abjadnanaha pierachodnaha kabinietu ŭ tranzicie ŭłady i namieśnikam kiraŭnicy Kabinietu Śviatłany Cichanoŭskaj. Jašče Łatuška — stvaralnik i kiraŭnik Narodnaha antykryzisnaha ŭpraŭleńnia.
«A za što mnie pavinna być soramna? — pierapytaŭ Łatuška Piatruchina. — Za toje, što z nami vajuje Hałoŭnaje ŭpraŭleńnie vyviedki Ministerstva abarony Respubliki Biełaruś? Za toje, što suprać nas dzieje KDB? Za toje, što ja na hetym tydni atrymaŭ mejł 151-y pra toje, što «pryniataja pastanova ab vašaj fizičnaj likvidacyi»?»
Łatuška nahadaŭ, što ŭ Polščy raspačali ŭžo dźvie kryminalnyja spravy datyčna sprobaŭ jahonaha zabojstva, tamu jon maje achovu.
Pavodle palityka, adzin «vielmi ŭpłyvovy čałaviek u hetaj krainie» dniom raniej skazaŭ jamu, što ŭłady Biełarusi hetak dziejničajuć suprać demakratyčnych siłaŭ, bo tyja mocnyja i nie zdajucca.
Łatuška spytaŭ Piatruchina, z kim vajuje jon, ale toj nie adkazaŭ, adznačyŭšy, što pytaŭ pra adstaŭku Łatuški nie jon, a «ludzi ź internetu».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza5
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
[Zredahavana]
A što nakont źniknieńnia Mielnikavaj kaža staršynia ruchu «Za svabodu» i kaardynatar Kadravaha rieziervu Juraś Hubarevič?