Atrymalnikam dapamohi i nie tolki. Kamu jašče nieabchodna adkryć bazavy rachunak da 20 červienia
Mianiajecca paradak vypłaty sacyjalnych dapamoh praz banki. Tym, u kaho niama bazavaha rachunku, nieabchodna źviarnucca ŭ bankaŭskuju ŭstanovu i adkryć bazavy rachunak da 20 červienia. Jak heta zrabić, Minsk-Navinam raskazała načalnik upraŭleńnia piensij i dapamoh kamiteta pa pracy, zaniataści i sacyjalnaj abaronie Minabłvykankama Alena Žyvica.
— Z 1 lipienia piensii i dapamohi na dziaciej, pryznačanyja orhanami sacyjalnaj abarony, a taksama dapamohi pa biespracoŭi, pa dohladzie za niepracazdolnymi, adrasnaja sacyjalnaja dapamoha, vypłaty asobam, jakija ažyćciaŭlajuć dohlad u zamiaščalnaj siamji, pry naradžeńni dvajniat buduć pieraličvacca tolki na bazavyja rachunki, — padkreślivaje A. Žyvica. — Tamu tym, u kaho niama takoha rachunku, nieabchodna źviarnucca ŭ adzin ź dzieviaci bankaŭ i adkryć bazavy rachunak albo pieraaformić dziejučy (raźlikovy) u bazavy. Płacić za adkryćcio bazavaha rachunku nie treba: jon afarmlajecca biaspłatna. Pry hetym, kab svoječasova atrymać vypłaty ŭ lipieni, zrabić heta nieabchodna da 20 červienia.
Načalnik upraŭleńnia piensij i dapamoh tłumačyć, što bazavy rachunak — heta bankaŭski rachunak u biełaruskich rublach, z uładalnika jakoha nie spahaniajecca płata za ažyćciaŭleńnie apieracyj, uklučanych u bazavyja ŭmovy absłuhoŭvańnia. Da takich adnosiacca samyja nieabchodnyja apieracyi — zaličeńnie i źniaćcie hrašovych srodkaŭ, apłata tavaraŭ i pasłuh u ARIP i inšyja. Poŭny pieralik možna daviedacca ŭ banku.
— Adkryć bazavy rachunak abo pieraaformić dziejučy možna biaspłatna ŭ lubym ź dzieviaci bankaŭ. Heta AAT «Biełahraprambank», AAT «Biełhazprambank», ZAT «MTBank», AAT «Biełarusbank», AAT «Biełaruski bank raźvićcia i rekanstrukcyi «Bielinviestbank», AAT «Pryjorbank», AAT «Biełveb», AAT «Bank Dabrabyt», AAT «Śbier Bank», — tłumačyć surazmoŭnica.
Pa pytańniach źmianieńnia praviłaŭ pieraličeńnia sacyjalnych vypłat na rachunki ŭ bankach nieabchodna źviartacca ŭ rajonnaje ŭpraŭleńnie pa pracy, zaniataści i sacyjalnaj abaronie abo niepasredna ŭ bank. Źmieny, što ŭstupajuć u siłu z 1 lipienia, nie datyčacca atrymalnikaŭ piensij va ŭzroście 70 hadoŭ i starej, invalidaŭ, jakija ŭžo vybrali sposab atrymańnia piensii praz abjekty paštovaj suviazi. Im, jak i raniej, piensija budzie dastaŭlacca dadomu supracoŭnikami pošty abo vypłačvacca niepasredna na pošcie.
— Źviartaju ŭvahu, što pry adsutnaści bazavaha rachunku na 1 lipienia pieraličeńnie sacyjalnaj vypłaty prypyniajecca. Adnaŭleńnie adbudziecca tolki paśla adkryćcia bazavaha rachunku. Hrošy nie źniknuć — prosta ich vypłaciać paźniej, — udakładniaje surazmoŭnica.
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary