Daradca Pucina ličyć, što SSSR «jurydyčna niedzie isnuje». Ale što tady ŭ Kramli robić Pucin?
Daradca prezidenta Rasii Anton Kabiakoŭ na niadaŭnim mižnarodnym jurydyčnym forumie ŭ Sankt-Pieciarburhu vykazaŭsia, što SSSR, jaki raspaŭsia ŭ 1991 hodzie na 15 niezaležnych dziaržaŭ, nibyta «jurydyčna ž niedzie isnuje», i pra heta nibyta havorać nibyta nie tolki rasijskija ŭłady, ale i niejkija nie nazvanyja «śpiecyjalisty pa kanstytucyjnym pravie, u tym liku na Zachadzie».
«A čamu jany tak havorać? Jany havorać tak tamu, što była parušanaja pracedura tak zvanaha rospusku SSSR. Kali Źjezd narodnych deputataŭ, jon ža Źjezd Savietaŭ u 1922 hodzie stvaraŭ SSSR, to i raspuskać treba było jaho pa rašeńni Źjezda hetych samych deputataŭ», — adznačyŭ Kabiakoŭ.
Pavodle jahonych słoŭ, padpisańnie Biełaviežskich pahadnieńniaŭ 8 śniežnia 1991 hoda vyhladaje «zusim dziŭnym» z pravavoha punktu hledžańnia.
«Hetyja akty paźniej ratyfikavali Viarchoŭnyja Saviety RSFSR, USSR, BSSR, a heta naohuł nie ŭ ich kampietencyi», — śćviardžaje jon.
Viadzie ž čynoŭnik da taho, što, maŭlaŭ, i ciapierašni «ŭkrainski kryzis», jak jon nazyvaje raźviazanuju Rasijaj vajnu va Ukrainie — nibyta nie mižnarodny, a «ŭnutrany praces», i ŭsie hetyja pytańni, maŭlaŭ, buduć uźnikać, pakul jurydyčnyja pytańni z raspadam SSSR nie buduć vyrašanyja.
Takija zvaroty da jurydyčnaj kazuistyki ŭ spravie raspadu SSSR — zusim nie novyja, i jany hučać na roznych uzroŭniach užo nie pieršaje dziesiacihodździe. Daradca rasijskaha prezidenta praz zvarot da hetaj rytoryki vidavočna sprabuje apraŭdać prava maskoŭskich uładaŭ rabić na terytoryjach, jakija kaliści ŭvachodzili ŭ skład SSSR, usio, što im uzdumajecca, jak zakonnym haspadaram.
Adnak ža, kali kiravacca hetaj samaj łohikaj, to tady i ciapierašnija rasijskija ŭłady taksama nie majuć nijakich jurydyčnych pravoŭ dziejničać ad imia i ŭ imia Savieckaha Sajuza, bo jany sami viaduć svoj radavod nie ad kiraŭnictva SSSR, a ad kiraŭnictva RSFSR. A Uładzimir Pucin — pierajemnik nie pieršaha i apošniaha prezidenta SSSR Michaiła Harbačova, a prezidenta RSFSR (paśla Rasijskaj Fiederacyi) Barysa Jelcyna, jaki byŭ padpisantam i natchnialnikam tych samych Biełaviežskich pahadnieńniaŭ mienavita ŭ ramkach zmahańnia z sajuznym centram. Ale čamuści, kali byŭ jašče žyvy Michaił Harbačoŭ (jon pamior tolki 30 žniŭnia 2022 hoda), toj ža Anton Kabiakoŭ nie staviŭ pytańnia ab pieradačy jamu nazad «niezakonna» adabranaj niekali ŭłady.
Łukašenka nazvaŭ siabie 17-m kavaleram ordena «Pieramoha». Prosta jak Brežnieŭ
Pucinskija «Načnyja vaŭki» pasadzili ŭ Breście arešnik u miežach akcyi «Ruski les»
Bajden: Uładzimiru Pucinu patrebna ŭsia Ukraina, a nie jaje častka
Za Rasiju va Ukrainie vajujuć tysiačy najmitaŭ ź jak minimum paŭsotni krain śvietu. Chto jany?
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1616
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ16
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał22
Kamientary
ale ŭspomnić pra prava, dakumienty i inš - śviatoje! ale tolki tam, dzie heta zručna dla ich