U Polščy kazachaŭ i biełarusa buduć sudzić za arhanizacyju niezakonnaj schiemy lehalizacyi mihrantaŭ
Usiaho ŭ hetaj spravie fihurujuć 8 čałaviek. Lidaram hrupy pryznany hramadzianin Kazachstana. Troje z abvinavačanych zaraz znachodziacca pad vartaj, astatnija — pad inšymi mierami strymańnia, nie źviazanymi z pazbaŭleńniem voli. Pavodle infarmacyi Polskaj pamiežnaj słužby, kryminalnaja sprava ŭžo nakiravanaja ŭ akružny sud horada Žešava.
Pavodle viersii śledstva, schiemu raspracavali studenty adnaho z univiersitetaŭ Žešava. Jany vydavali fiktyŭnyja pazyki na sumy ad 30 da 50 tysiač złotych. Hetyja dakumienty vykarystoŭvalisia jak paćviardžeńnie finansavaj zabiaśpiečanaści dla atrymańnia dazvołu na žycharstva z metaj navučańnia.
Jak śćviardžajuć pamiežniki, zamiežnyja studenty śviadoma ŭvodzili ŭ zman słužboŭcaŭ, padajučy niesapraŭdnyja źviestki. Paśla padačy dakumientaŭ hrošy chutka viartalisia nazad razam z dadatkovaj płataj — tak zvanaj «kamisijaj», jakuju atrymlivali členy hrupy.
Siarod klijentaŭ hetaj schiemy byli ludzi z Kazachstana, inšych krain byłoha SSSR, z Afryki i navat z Papua-Novaj Hviniei. Ciapier zatrymanyja 23 inšaziemcy, jakija skarystalisia hetaj schiemaj. Ich abvinavačvajuć u vykarystańni padroblenych dakumientaŭ i niezakonnym atrymańni statusu.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary