U ZŠA mohuć zapuścić realici-šou, dzie imihranty buduć spaborničać za hramadzianstva
Amierykanski pradziusar Rob Uorsaf prapanavaŭ zapuścić telešou «Amierykaniec», u jakim imihranty buduć padarožničać pa ZŠA, vyvučać historyju, kulturu i tradycyi roznych štataŭ, vykonvać łakalnyja vyprabavańni, a hałoŭny pieramožca atrymaje hramadzianstva ZŠA, paviedamlaje The Wall Street Journal.
Jak paviedamlajecca ŭ 36-staronkavaj prezientacyi, ź jakoj paznajomilisia žurnalisty, kamanda pradziusara apisvaje hadzinnyja epizody, u jakich imihranty spaborničajuć, kab dakazać, što jany «najbolš amierykanskija».
Niekatoryja ŚMI nazvali prajekt «Hałodnymi hulniami pa-amierykansku». Adnak Rob Uorsaf, jaki vystupiŭ ź idejaj telešou, z takoj acenkaj nie zhodzien i śćviardžaje, što prajekt pavinien «davać nadzieju i prasłaŭlać toje, što značyć być hramadzianinam ZŠA».
«Heta nie «Hałodnyja hulni» dla imihrantaŭ», — padkreśliŭ Uorsaf.
Pavodle jaho słoŭ, udzielničać u im buduć imihranty, jakija ŭžo znachodziacca ŭ amierykanskaj sistemie. Jany buduć spaborničać u roznych konkursach, u tym liku, mahčyma, na viedańnie historyi i kultury ZŠA. Pradziusar adznačyŭ, što ŭdzielnikam, jakija prajhrajuć, nie budzie pahražać departacyja.
«Heta nie aznačaje: «Ej, vy prajhrali — i my vas adpraŭlajem na karabli z krainy».
Amierykanskija ŚMI paviedamili, što da padrychtoŭki šou nibyta dałučyłasia Ministerstva ŭnutranaj biaśpieki ZŠA. Adnak pres-sakratarka viedamstva Tryša MakŁaflin heta abvierhła: pa słovach čynoŭnicy, u ministerstvie nivodnaj viersii šou nie padtrymlivali i navat nie znajomilisia ź joj, a ŭsie prapanovy jašče prachodziać papiaredniuju pravierku. Takim čynam, aficyjnaj padtrymki prajekt pakul nie maje.
Na fonie zhortvańnia imihracyjnych prahram pry prezidencie Donaldzie Trampie i ŭzmacnieńnia mier suprać nielehalnych mihrantaŭ pierśpiektyvy šou, dzie pryzam stanie hramadzianstva, vyhladajuć davoli sumnieŭnymi.
Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam
«Susiedziaŭ turbuje tolki aŭtarynak». Biełarus z Techasa raskazaŭ pra nastroi ŭ štacie, dzie «kožny sabaka za Trampa»
«Blin, darma kupili «Tesłu». Biełaruska z Kanady raskazała, što miascovyja žychary dumajuć pra palityku Trampa
«Jany kryvadušniki prosta». Biełaruski nacyjanalist vykazaŭsia pra «pravy razvarot», Trampa, prarasijskaść i mihrantaŭ nie ź Biełarusi
«Ludzi masava admianiajuć padpiski na Amazon». Biełaruska raskazała, što adbyvajecca ŭ ZŠA paśla prychodu Trampa
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?35
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary