Na Homielščynie pradajuć za daŭhi vahony-saŭny dziaržpradpryjemstvaŭ
Łoty pa prodažy niekalkich vahonaŭ-saŭnaŭ jak aryštavanaj majomaści źjavilisia na placoŭcy «BiełJurZabieśpiačeńnie». Usie jany naležać dziaržaŭnym pradpryjemstvam-daŭžnikam Homielskaj vobłaści, i ciapier ich sprabujuć pradać, kab pakryć daŭhi pierad dziaržavaj, piša «Fłahštok».
Adzin z takich vahonaŭ pradajecca za 11,8 tysiač rubloŭ u Vietkaŭskim rajonie — majomaść naležyć haspadarcy AAT «Staŭbunski».
Jašče ŭ dvuch vypadkach realizujuć vahony-saŭny kamunalnaha pradpryjemstva KŽUP «Brahinskaje». Adzin ź ich znachodzicca ŭ vioscy Krasnaje, druhi — u vioscy Malejki. Abodva chočuć pradać pa canie 21,9 tysiač rubloŭ.
Na fota bačna, što saŭny ŭžo daŭno nie vykarystoŭvajucca i znachodziacca ŭ avaryjnym stanie.
Takija pryčepy-saŭny vytvorčaści «MAZ-Kupava» kamunalniki Homielskaj vobłaści ŭstaloŭvali ŭ ahraharadkach amal 20 hadoŭ tamu. U toj čas ułady sprabavali vykonvać sacyjalnyja standarty i rabić žyćcio na vioscy bolš pryvabnym. Za naviedvańnie takoj saŭny brali nievialikija hrošy.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
dzie tak kažuć?
Ad redaktara. Zazirnicie ŭ słoŭnik, kali łaska.
[Zredahavana]