Na kultavym rynku ŭ Dvarcy źjavilisia pieršyja łuninieckija kłubnicy. Nie pytajciesia tolki pra canu
Praz drennaje nadvorje fiermiery nie čakajuć vialikaha ŭradžaju jahad, ale tyja, chto pieraprafilavaŭsia na vyroščvańnie kłubnicy ŭ ciaplicach, buduć «u šakaładzie». «Miedyja-Paleśsie» pahladzieła, kolki kaštujuć pieršyja łuninieckija kłubnicy.
Kłubnicy źjavilisia ŭ prodažy na mini-rynku ŭ vioscy Dvarec, što kala trasy M-10 Kobryn-Homiel. Jahada vyraščana ŭ ciaplicy, ale chvacki smak i vodar, jak z hradki.
Za kantejniery 0,5 kh pradaŭcy prosiać 15 rubloŭ. Heta značyć, kiłahram kaštuje 30 rubloŭ. Heta na siońniašni dzień amal 9 jeŭra.
Letaś samuju pieršuju jahadu pradavali pa 25 rubloŭ za kh. Pa takoj ža canie, pa nazirańniach «Miedyja-Paleśsia», — u 2023 hodzie.
Ciapierašni siezon pakazvaje — bahaćcia kłubnic nie budzie, i, adpaviedna, — cana nie apuścicca da ŭzroŭniu minułych hadoŭ.
Vinavatyja praciahłyja zamarazki, jakich Paleśsie nie pamiataje. Tak, da prykładu, u noč na 11 maja Paleskaja mieteastancyja zafiksavała 3 hradusy marozu — chaładniej za ŭsio pa krainie, tryma sutkami raniej — 3,5 hradusa marozu (raniejšy łakalny minimum pratrymaŭsia 26 hadoŭ).
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary