Ekskursavodaŭ i hidaŭ abaviazali viedać asnovy ideałohii, jakija zaćvierdziŭ Łukašenka
A jašče ekskursavody ciapier abaviazanyja «sadziejničać pryznańniu ŭnikalnaści biełaruskaj madeli hramadskaha raźvićcia».
Dla ekskursavodaŭ i hidaŭ-pierakładčykaŭ u Biełarusi ŭviali novyja patrabavańni. Ciapier jany abaviazanyja viedać asnovy ideałohii biełaruskaha dziaržavy, jakija niadaŭna śpiecyjalnaj dyrektyvaj zaćvierdziŭ Alaksandr Łukašenka.
Hetyja viedy ekskursavody pavinny ŭkaraniać u svaju pracu. Akramia taho, ad ich patrabujecca bolš ideałahičnaha kantentu. Jakim čynam budzie praviaracca vykanańnie hetych patrabavańniaŭ, u pastanovie urada nie paznačana.
Taksama ekskursavodaŭ i hidaŭ abaviazali ŭdzielničać u zachavańni histaryčnaj pamiaci i nacyjanalnych kaštoŭnaściaŭ, sadziejničać pavyšeńniu pravavoj, palityčnaj, asabistaj kultury i sacyjalnaj adkaznaści turystaŭ, a taksama
«sadziejničać umacavańniu stanoŭčaha mižnarodnaha imidžu krainy, pryznańniu ŭnikalnaści biełaruskaj madeli hramadskaha raźvićcia».
Pastanova nabyvaje siłu z 11 lipienia.
Nahadajem, što z 1 studzienia 2023 hoda pačali dziejničać novyja praviły ekskursijnaha absłuhoŭvańnia. Ekskursavody i hidy-pierakładčyki pavinny prachodzić dziaržaŭnuju atestacyju. Hidam abaviazkova mieć pry sabie pieralik tem ekskursij, jakija jany abaranili, a taksama bejdž. Termin dziejańnia licenzii — piać hadoŭ.
U 2024 hodzie ekskursavodami i hidami-pierakładčykami ŭ Biełarusi zabaranili pracavać tym, kaho sudzili pa «ekstremisckich» artykułach, pryčym navat kali sudzimaść užo pahašanaja.
Łukašenka vydaŭ dyrektyvu ab ideałohii
Na Hrodzienščynie za try hady stała ŭ dva razy mienš hidaŭ-pierakładčykaŭ
U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?
Minsportu prapanuje praviarać ekskursavodaŭ na datyčnaść da «reabilitacyi nacyzmu» i «admaŭleńnia hienacydu»
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary