U Barysaŭskim rajonie łasiania vyjšła pa dapamohu da ludziej FOTY
U vioscy Vysoki Bierah Barysaŭskaha rajona adbyłasia redkaja situacyja: ź lesu da ludziej vyjšła adzinokaje łasiania. Pa słovach vidavočcaŭ, žyviolina pavodziła siabie spakojna i vidavočna mieła patrebu ŭ dapamozie, piša «Smartpres».
Na haračuju liniju źviarnułasia miascovaja žycharka. Paśla sihnału na miesca vyjechali śpiecyjalisty. Jak vyśvietliłasia padčas ahladu, łasiania było zdarovaje, ale praz zusim małady ŭzrost i adsutnaść maci ŭ jaho nie było šancaŭ vyžyć u lesie.
Kamisija pryniała rašeńnie časova pieradać žyviolinu na pieratrymku ŭ Barysaŭski vopytny lashas. Tam pra łasiania buduć kłapacicca jehiery i vieterynary. Paśla taho, jak adužaje, žyviolina vierniecca ŭ dzikuju pryrodu, paviedamili ŭ lashasie.
U Biełarusi vypadki dapamohi dzikim žyviołam fiksujucca rehularna. 10 maja źniasilenaje łasiania vyratavali ŭ Haradockim rajonie ŭ vioscy Smałoŭka. Pakolki małoje mieła patrebu ŭ dohladzie, jaho pieradali ŭ Viciebski zaapark.
Śpiecyjalisty nahadvajuć: pry sustrečy ź dzikaj žyviolinaj važna nie sprabavać jaje pryručyć ci karmić, a nieadkładna źviarnucca ŭ ekałahičnyja słužby.
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj6
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary