Ukraina atakavała bazu piłatažnych hrup, što ŭdzielničajuć u paradzie Pieramohi ŭ Maskvie
U noč na 7 maja ŭkrainskija bieśpiłotniki atakavali dva vajennyja aeradromy na terytoryi Rasii. Pad udar trapili Šajkoŭka ŭ Kałužskaj vobłaści i Kubinka ŭ Padmaskoŭi, paviedamlaje Astra sa spasyłkaj na danyja spadarožnikavaj sistemy manitorynhu pažaraŭ NASA.
Ataku na Kubinku paćvierdziŭ Z-kanał Fighterbomber, što śpiecyjalizujecca na vajennaj avijacyi. Jon adznačyŭ, što na padmaskoŭnym aeradromie bazujucca piłatažnyja hrupy «Ruskija viciazi» i «Stryžy», jakija ŭdzielničajuć u paradzie Pieramohi 9 maja ŭ Maskvie. «Sprabujuć sapsavać nam parad i bjuć pa miescach dysłakacyi asabovaha składu i techniki», — napisaŭ Fighterbomber.
Pry hetym jon adznačyŭ, što na pavietranaj častcy pakazu hety ŭdar «nijak nie adabjecca».
Minułaj nočču ŭkrainskija bieśpiłotniki taksama atakavali Tułu i Saransk, dzie pad udary trapili vajennyja zavody. U Tule atacy mahło padvierhnucca AAT «Kanstruktarskaje biuro pryborabudavańnia» — adno z najbujniejšych pradpryjemstvaŭ abaronnaj pramysłovaści Rasii, jakoje zajmajecca raspracoŭkaj vysokadakładnaj kiravanaj zbroi dla suchaputnych vojskaŭ, Vajenna-marskoha fłotu i Pavietrana-kaśmičnych sił.
U Saransku, pavodle źviestak Astra, pažar paśla prylotu drona ŭspychnuŭ na terytoryi pradpryjemstva «Aptavałakonnyja sistemy» — pieršaha i adzinaha ŭ Rasii zavoda pa vytvorčaści aptyčnych vałoknaŭ.
Daradca ministra ŭnutranych spraŭ Ukrainy Anton Hieraščanka raniej adznačaŭ, što heta pradpryjemstva vyrablaje aptavałakonnyja kabieli, jakija vykarystoŭvajucca dla kiravańnia bieśpiłotnikami padčas vajny suprać Ukrainy. Druhi pažar adbyŭsia ŭ niekalkich kiłamietrach ad pieršaha, miarkujecca, na mašynabudaŭničym pradpryjemstvie «Saranskkabiel». Aficyjnych paćvierdžańniaŭ hetaj infarmacyi nie było.
-
«Bransk pad rakietnym udaram!» — «Vy nie tušycie, daharyć chutčej». Minabarony Ukrainy pa-čornamu adpalvaje ŭ Threads
-
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?2
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju2828
Kamientary