Biełarusku Natallu Sudlankovu ŭklučyli ŭ prajekt čarhovaha pakieta sankcyj ES
Jeŭrapiejskaja kamisija razhladaje 17-y pakiet sankcyj suprać uładaŭ Rasii i Biełarusi, jakim płanujecca dadać u sankcyjny śpis 21 fizičnuju asobu i 6 jurydyčnych. Pavodle źviestak «Radyjo Svaboda», u pieraliku asob, adkaznych za «destabilizacyjnuju dziejnaść», fihuruje hramadzianka Biełarusi Natalla Sudlankova, jakuju niadaŭna vykryli ŭ Čechii ŭ supracoŭnictvie z rasijskaj raźviedkaj.
U tłumačalnaj častcy prajekta pastanovy Jeŭrapiejskaj rady, ź jakoj aznajomiłasia «Radyjo Svaboda», adznačajecca, što Natalla Sudlankova raspracoŭvaje miedyjnuju pradukcyju pa zamovie, jakaja ŭklučaje manipulavańnie infarmacyjaj i raspaŭsiudžańnie chłuślivych naratyvaŭ, skiravanych na padtrymku źniešniepalityčnych intaresaŭ Rasii i padryŭ davieru hramadskaści da nacyjanalnych i demakratyčnych kaštoŭnaściaŭ Čechii i pracesaŭ Jeŭrapiejskaha Sajuza.
U dakumiencie taksama paviedamlajecca, što Sudlankova na praciahu doŭhaha času atrymlivała zadańni z Rasii i finansavaje ŭznaharodžańnie, adyhryvała značnuju rolu ŭ płanavańni i kiravańni infarmacyjnymi manipulacyjami, skiravanymi na hramadskaść Čechii i inšych dziaržaŭ — členaŭ ES, a taksama supracoŭničała z rasijskimi dziaržaŭnymi strukturami, uklučajučy «Bieśśmiarotny połk» i supracoŭnikaŭ HRU.
U 1999 hodzie Natalla Sudlankova, ratujučysia ad pieraśledu ŭ Biełarusi, atrymała palityčny prytułak u Čechii. Jana nie mieła češskaha hramadzianstva, ale atrymała dazvoł na pastajannaje žycharstva. U minułym hodzie joj była vydadzienaja novy DNŽ na 10 hadoŭ. Vierahodna, termin dziejańnia biełaruskaha pašparta skončyŭsia, tamu ŭ 2021 hodzie joj byŭ vydadzieny padarožny dakumient.
U Čechii Sudlankova pracavała hałoŭnym redaktaram «Pražskaha telehrafa» — ruskamoŭnaha štotydniovika, jaki vydavaŭsia ŭ Prazie. U minułym jana taksama supracoŭničała z Radyjo Svabodnaja Jeŭropa/Radyjo Svaboda i z časopisami Týden i Lidové noviny.
Pra toje, što Natalla Sudlankova razam z supracoŭnikam rasijskaj śpiecsłužby HRU Alaksiejem Šaŭrovym dadadzienyja ŭ češski nacyjanalny sankcyjny śpis, 2 krasavika paviedamiła Słužba infarmacyjnaj biaśpieki Čechii (BIS). Žančyna pavinna była na praciahu 30 dzion pakinuć terytoryju krainy, što i zrabiła 1 maja, vyjechaŭšy ŭ Maskvu.
Ad BNF da HRU. Chto takaja Natalla Sudlankova, jakoj čechi zahadali pakinuć krainu
Byłuju biełaruskuju žurnalistku z prytułkam u Čechii abvinavacili ŭ pracy na rasijskuju raźviedku
Byłaja biełaruskaja žurnalistka Sudlankova, jakuju ŭ Čechii abvinavacili ŭ pracy na rasijskuju raźviedku, vyjechała ŭ Maskvu
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary