Najhoršaja ŭ Jeŭropie. Biełaruś siarod aŭtsajdaraŭ u suśvietnym rejtynhu ŠI
Analityčny centr Oxford Insights apublikavaŭ śviežy dakład Government AI Readiness Index. Aŭtary acanili hatoŭnaść uradaŭ 195 krain ukaraniać i vykarystoŭvać ŠI ŭ dziaržaŭnych pracesach, ekanomicy i hramadstvie, piša Devby.io.
Krainy aceńvalisia pa 6 hrupach kryteryjaŭ:
- instytucyjnaja zdolnaść (policy capacity) — zdolnaść dziaržavy aktyŭna ŭpłyvać na toje, jak ŠI raźvivajecca i vykarystoŭvajecca ŭ krainie;
- kiravańnie i rehulavańnie (governance) — sistema miechanizmaŭ nahladu, jakija zabiaśpiečvajuć adkaznaje i biaśpiečnaje vykarystańnie ŠI, abaronu hramadskich intaresaŭ;
- infrastruktura dla ŠI (AI infrastructure) — techničnaja i ličbavaja baza, nieabchodnaja dla raźvićcia i ŭžyvańnia ŠI;
- ukaranieńnie ŠI u dziaržsiektary (public sector adoption) — nakolki efiektyŭna orhany vykarystoŭvajuć ŠI u svajoj pracy;
- raspracoŭka i raspaŭsiudžvańnie ŠI (development and diffusion) — padtrymka stvareńnia ŠI-technałohij i ich šyrokaha ŭkaranieńnia ŭ ekanomicy;
- ustojlivaść (resilience) — zdolnaść hramadstva i ekanomiki adaptavacca da nastupstvaŭ ukaranieńnia ŠI.
Biełaruś zaniała ŭ rejtynhu 121 miesca — pamiž afrykanskaj astraŭnoj dziaržavaj Kaba-Verde i Trynidadam i Tabaha, što ŭ Karybskim mory. Heta najhoršy vynik pa Jeŭropie, jakuju aŭtary dzielać na Zachodniuju i Uschodniuju. Ukraina, naprykład, uvajšła ŭ dziasiatku lidaraŭ pa Uschodniaj Jeŭropie.
Lidzirujuć u rejtynhu ZŠA. U topavuju trojku taksama ŭvajšli Vialikabrytanija i Francyja, dalej iduć Niderłandy, Hiermanija i Kitaj.
Poŭnuju viersiju dakłada z padrabiaznaj mietadałohijaj možna pahladzieć tut.
«Vydalicie nieadkładna»: ekśpierty zaklikali biznes terminova zabłakavać ŠI-braŭziery
«Čałaviekam hoda» pa viersii Time stali adrazu vaśmiora «architektaraŭ štučnaha intelektu»
The New York Times padała ŭ sud na startap, zasnavany biełarusam
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary
jaki narmalny urad dazvolić čužoj prahramie apracoŭvać dziaržaŭnyja doki?