Kaladnuju słužbu ŭ katalickaj parafii Bresckaj vobłaści pravioŭ śviatar ź Indyi
Jon vyvučaje biełaruskuju movu, kab pravodzić nabaženstvy na joj.
Kaladnuju słužbu ŭ katalickaj parafii Bresckaj vobłaści pravodzić śviatar ź Indyi. Jon słužyć u adnoj z katalickich parafij vobłaści. Takaja infarmacyja prahučała ŭ efiry telekanała «Biełaruś 4. Brest», piša BiełTA.
Charald Džud Mieniezies naradziŭsia ŭ Centralnaj Indyi ŭ katalickaj siamji. Ź dziacinstva jon maryŭ stać śviatarom. Paśla navučańnia jaho nakiravali na słužeńnie ŭ Rasiju. «Ja šmat čuŭ dobraha pra Biełaruś. Kali źjaviłasia mahčymaść pryjechać siudy, z zadavalnieńniem joju skarystaŭsia», — padzialiŭsia nastajaciel kaścioła Uniebaŭziaćcia Najśviaciejšaj Panny Maryi ŭ ahraharadku Darava Lachavickaha rajona.
Jon taksama źjaŭlajecca vikaryjem kaścioła Facimskaj Božaj Maci ŭ Baranavičach.
Rodnyja i siabry sa ździŭleńniem, ale pazityŭna ŭspryniali navinu pra jaho pierajezd u Biełaruś.
«Jany chutka pahladzieli ŭ internecie, dzie znachodzicca Biełaruś. Starejšy brat pracuje ŭ finansavaj śfiery — jon adrazu spytaŭ pra valutu. Chtości inšy cikaviŭsia ježaj, tym, jaki tut narod žyvie. Uspryniali pazityŭna. Jašče nie ŭsie viedajuć (nie ŭsim adnakurśnikam, siabram raskazaŭ), što ciapier znachodžusia ŭ Biełarusi», — dadaŭ śviatar.
Pavodle jaho słoŭ, biełarusy pryniali jaho dobrazyčliva. «Dobraja, siabroŭskaja atmaśfiera i ŭ parafii, i ŭ roznych ustanovach. Atrymaŭ daviedki dla pracy — usiudy ŭśmiešlivyja tvary. Mnie sustrakajucca ludzi, jakija vielmi družalubnyja i adkrytyja. Heta adna z pryčyn, čamu dla mianie pačałosia śviata: ja pryjechaŭ u Biełaruś — i pačałosia śviata», — skazaŭ nastajaciel kaścioła.
Jon vyvučaje biełaruskuju movu, kab pravodzić nabaženstvy na joj.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary