Грамадства11

Калядную службу ў каталіцкай парафіі Брэсцкай вобласці правёў святар з Індыі

Ён вывучае беларускую мову, каб праводзіць набажэнствы на ёй.

Калядную службу ў каталіцкай парафіі Брэсцкай вобласці праводзіць святар з Індыі. Ён служыць у адной з каталіцкіх парафій вобласці. Такая інфармацыя прагучала ў эфіры тэлеканала «Беларусь 4. Брэст», піша БелТА.

Харальд Джуд Менезес нарадзіўся ў Цэнтральнай Індыі ў каталіцкай сям’і. З дзяцінства ён марыў стаць святаром. Пасля навучання яго накіравалі на служэнне ў Расію. «Я шмат чуў добрага пра Беларусь. Калі з’явілася магчымасць прыехаць сюды, з задавальненнем ёю скарыстаўся», — падзяліўся настаяцель касцёла Унебаўзяцця Найсвяцейшай Панны Марыі ў аграгарадку Дарава Ляхавіцкага раёна.

Ён таксама з’яўляецца вікарыем касцёла Фацімскай Божай Маці ў Баранавічах.

Родныя і сябры са здзіўленнем, але пазітыўна ўспрынялі навіну пра яго пераезд у Беларусь.

«Яны хутка паглядзелі ў інтэрнэце, дзе знаходзіцца Беларусь. Старэйшы брат працуе ў фінансавай сферы — ён адразу спытаў пра валюту. Хтосьці іншы цікавіўся ежай, тым, які тут народ жыве. Успрынялі пазітыўна. Яшчэ не ўсе ведаюць (не ўсім аднакурснікам, сябрам расказаў), што цяпер знаходжуся ў Беларусі», — дадаў святар.

Паводле яго слоў, беларусы прынялі яго добразычліва. «Добрая, сяброўская атмасфера і ў парафіі, і ў розных установах. Атрымаў даведкі для працы — усюды ўсмешлівыя твары. Мне сустракаюцца людзі, якія вельмі дружалюбныя і адкрытыя. Гэта адна з прычын, чаму для мяне пачалося свята: я прыехаў у Беларусь — і пачалося свята», — сказаў настаяцель касцёла.

Ён вывучае беларускую мову, каб праводзіць набажэнствы на ёй.

Каментары1

  • САЛІДАРНАСЦЬ!
    25.12.2025
    Дарагія беларусы, дарагая рэдакцыя НН! Сёння, у свята Божага Нараджэння, просім Вас падтрымаць ініцыятыву #BYSOL – "Падорым Калядны цуд дзецям палітвязняў!" Засталося сабраць падарункі для 132 дзетак нашых палітвязняў!Зачынім збор на калядныя падарункі сёння!!! Жыве Беларусь!!!

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны2

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны2

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць