Chto taja Alina, ź jakoj Łukašenka tancavaŭ hetym razam na navahodnim bali
Na navahodnim bali ŭ Pałacy Niezaležnaści Alaksandr Łukašenka valsavaŭ ź dziaŭčynaj, jakaja raniej pobač ź im nie źjaŭlałasia.
Pavodle našaj infarmacyi, heta Alina Łapo z Mahilova. Joj 27 hadoŭ. Ź dziacinstva Alina zajmałasia tvorčaściu, ale ŭ starejšych kłasach zrabiła staŭku na ekanomiku. U 2016 hodzie pierajechała ŭ Minsk i pastupiła ŭ BDU na ekanamičny fakultet, u 2020‑m atrymała dypłom pa śpiecyjalnaści «bankaŭskaja sprava».
Paśla hetaha Łapo pajšła ŭ mahistraturu na sumiesnuju śpiecyjalnaść fakulteta žurnalistyki i ekanamičnaha fakulteta BDU — «kiravańnie miedyjaprajektami».
Na telebačańnie dziaŭčyna trapiła praz praktyku ŭ Biełteleradyjokampanii, paśla čaho praciahnuła pracu ŭžo jak štatnaja žurnalistka i viadučaja, u tym liku ŭ prajektach kštałtu «Na kantroli Prezidenta», «Naviny ekanomiki», «Padziei», «Kantekst» i jak karespandentka ŭ temie ekanomiki.
Miarkujučy pa sacsietkach, dziaŭčyna šmat padarožničaje — u hetym hodzie niekalki razoŭ była na mory (nieviadoma, pa pracy ci ŭ adpačynku). Lubić brendavyja rečy, jakija zamaŭlaje ŭ ES praz tematyčnyja supołki ŭ telehramie. Raniej pobač z Łukašenkam Alina Łapo nie śviaciłasia.
«Naša Niva» — bastyjon biełaruščyny
PADTRYMAĆCiapier čytajuć
Chto taja Alina, ź jakoj Łukašenka tancavaŭ hetym razam na navahodnim bali18
Kamientary