Mocny viecier paškodziŭ dachi, pavaliŭ dziasiatki drevaŭ — MNS raskazała pra nastupstvy ŭčorašniaj bury
4 maja praz terytoryju paŭdniovaha i centralnaha rehijona Biełarusi prajšoŭ navalničny front, jaki prynios mocny viecier z paryvami da 27 m/s. U vyniku paciarpieli drevy, budynki, technika. Na ščaście, abyšłosia biez paciarpiełych.
U Kalinkavickim rajonie ŭ vioskach Lipava, Viazovica i Chomičy viecier častkova sarvaŭ šyfiernyja dachi ź piaci sielskahaspadarčych budynkaŭ.
U vobłaści zafiksavana 8 vypadkaŭ padzieńnia dreŭ na prajeznuju častku daroh.
U Mahiloŭskaj vobłaści, jakaja asabliva mocna paciarpieła ad stychii, zafiksavanyja značnyja razbureńni, piša MNS.
U ahraharadku Rečki (Mahiloŭski rajon) paškodžany dachi žyłoha doma i łaźni.
U ahraharadku Michalova-1 paškodžany budynak dla ramontu techniki.
U vioscy Prybužža Novaje (Drybinski rajon) paškodžanyja dachi zierniaschovišča, małočnatavarnaj fiermy, majsterni, piłaramy, chimskłada i cialatnika. Taksama raźbita škleńnie ŭ traktary, kambajnie i aŭtobusie.
U Mahiloŭskaj vobłaści ratavalniki vyjazdžali 14 razoŭ, kab prybrać 22 pavalenyja drevy ŭ Bychaŭskim, Słaŭharadskim, Babrujskim, Krasnapolskim i Kličaŭskim rajonach, a taksama ŭ horadzie Mahilovie.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary