Chto kaho prapuskaŭ? Kanflikt kiroŭcaŭ na Prytyckaha pryvioŭ da bojki — i da kryminalnaj spravy
Pryčynaj staŭ darožny incydent u Minsku. 37-hadovy žychar Minskaha rajona na svaim Peugeot 406 vyjazdžaŭ z druhasnaj darohi na hałoŭnuju, pa jakoj ruchaŭsia ščylny patok mašyn. Jamu padałosia, što mužčyna za rulom Citroën jaho prapuskaje, i jon ulez pierad im.
Kali abvinavačany spyniŭsia na parkoŭcy kala adnaho z handlovych centraŭ na vulicy Prytyckaha, da jaho aŭtamabila padyšoŭ kiroŭca taho samaha Citroën i ŭdaryŭ kułakom pa škle. Žychar Minskaha rajona vyjšaŭ z sałona i nanios dva ŭdary nieznajomcu ŭ ščaku, ad jakich toj upaŭ na asfalt.
Miž mužčynami pačałasia baraćba, padčas jakoj kiroŭca Peugeot niekalki razoŭ udaryŭ apanienta pa hałavie. U kanflikt umiašalisia vidavočcy, paśla čaho fihurant sieŭ u svoj aŭtamabil i źjechaŭ.
Paciarpieły vyklikaŭ milicyju i chutkuju. Asobu padazravanaha ŭstanavili, zaviali kryminalnuju spravu.
«Abvinavačany źjaŭlajecca dyrektaram pryvatnaj kampanii, sudzimaściaŭ nie maje, — prakamientavaŭ namieśnik prakurora Frunzienskaha rajona Andrej Sierbun. — Jamu pradjaŭlena abvinavačańnie ŭ naŭmysnym pryčynieńni mienš ciažkaha cialesnaha paškodžańnia. Vinu hramadzianin pryznaŭ».
Mužčynu adpuścili pad padpisku ab niavyjeździe. Ciapier jaho buduć sudzić. Jamu pahražaje ad štrafu da troch hadoŭ kałonii.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary
Ty pamyliusja. Belarusj zhyve u 1790 godze