Na aŭkcyjonie pradajuć biełaruskuju banknotu, u jakoj u numary tolki nuli
Na adnoj z aŭkcyjonnych placovak Biełarusi vystaŭlena na tarhi banknota ŭ 100.000 biełaruskich rubloŭ uzoru 2000 hoda. Mabyć, u joj nie było b ničoha ekstraardynarnaha, kali b nie sieryjny numar: «na 0000000».
Tarhi pačalisia jašče 21 krasavika. Pa stanie na 12:00 čaćviarha 1 maja zroblena 34 staŭki, cana składaje 1.550 rubloŭ. Aŭkcyjon praciahniecca jašče try dni i zavieršycca 4 maja a 23-j hadzinie, piša Blizko.by.
Banknota ŭ 100.000 biełaruskich rubloŭ była vypuščana 15 lipienia 2005 hoda i znachodziłasia ŭ abaračeńni da 1 studzienia 2017 hoda. U momant vychadu jaje ekvivalent składaŭ 46,5 dalara. Paśla denaminacyi banknota była zamieniena na kupiuru ŭ 10 rubloŭ.
Ciapierašniaja aŭkcyjonnaja staŭka (1.550 rubloŭ, abo 508 dalaraŭ) u 11 razoŭ pieravyšaje jaje dalaravy ekvivalent u momant vychadu kupiury ŭ zvarot 20 hadoŭ tamu.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary