Kanada siońnia abiraje novy parłamient i premjer-ministra na fonie kanfliktu z Trampam
Siońnia, 28 krasavika, kanadcy iduć na fiederalnyja vybary, jakija mohuć vyznačyć nie tolki budučyniu ŭnutranaj palityki, ale i adnosiny z ZŠA. Hałoŭnyja sapierniki — ciapierašni premjer-ministr i lidar Libieralnaj partyi Mark Karni i kansiervatyŭny apanient Pjer Pualjeŭr.
Karni, były kiraŭnik Banka Kanady i Banka Anhlii, zaniaŭ pasadu premjera ŭ sakaviku paśla adstaŭki Džaścina Trudo. Jon abviaściŭ pra daterminovyja vybary na fonie rostu napružanaści z Vašynhtonam: prezident ZŠA Donald Tramp uvioŭ 25% taryfy na kanadskija tavary i vykazaŭ ideju ab «anieksii» Kanady jak 51-ha štata.
Hetyja zajavy vyklikali ŭsplosk nacyjanalizmu i padtrymki Karni, jaki zaklikaje da «mocnaha ŭrada» dla abarony suvierenitetu krainy.
Pualjeŭr, viadomy svajoj papulisckaj rytorykaj, spačatku ličyŭsia favarytam, ale jaho blizkaść da Trampa i zapoźnienaja reakcyja na pahrozy z boku ZŠA adšturchnuli častku vybarščykaŭ. Apošnija apytańni pakazvajuć, što libierały mohuć atrymać bolšaść miescaŭ u parłamiencie, u toj čas jak kansiervatary adstajuć prykładna na 4—5%.
Hetaja vybarčaja kampanija pieratvaryłasia ŭ refierendum ab tym, chto zdolny lepš abaranić niezaležnaść Kanady ŭ časy źniešniaha cisku. Kančatkovyja vyniki čakajucca ŭžo ŭ noč z paniadziełka na aŭtorak.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary65
Kamientary