Tut niečakana dla hamielčukoŭ źjaviŭsia pomnik pravasłaŭnamu ijerarchu, uviekaviečvańniem jakoha miascovyja carkoŭniki zajmajucca ŭžo nie pieršy hod.
Na źjaŭleńnie pomnika źviarnuła ŭvahu vydańnie «Fłahštok».
Pamiatny znak u honar archijepiskapa Arystarcha (Stankieviča) źjaviŭsia ŭ skviery pa Bileckim spusku, u histaryčnym jadry horada. Pomnik vykanany ŭ vyhladzie 16-tonnaha kamienia z reljefnaj vyjavaj ijerarcha. Arystarch byŭ archijepiskapam Homielskim i Žłobinskim z 1990 hoda i až da samaj svajoj śmierci ŭ 2012 hodzie.
U 2022 hodzie Homielskaja jeparchija ŭžo inicyjavała hramadskaje abmierkavańnie pra nadańnie hetamu skvieru imia Archijepiskapa Arystarcha. Tady Homielski harvykankam nie prapanavaŭ inšych varyjantaŭ nazvy dla skvieru.
Vydańnie aburajecca, što Homielskaja jeparchija vyrašyła nie arhanizoŭvać asobnaje hramadskaje abmierkavańnie, faktyčna pastaviŭšy haradžan pierad faktam źjaŭleńnia karparatyŭnaj manumientalnaj kampazicyi.
Ale nasamreč u Biełarusi nikoli nie pravodziacca hramadskija abmierkavańni tvoraŭ manumientalnaha mastactva, pracedura ŭzhadnieńnia vyklučaje ŭlik mierkavańniaŭ hramadzian.
Dla stvareńnia tvoraŭ manumientalnaj skulptury, niezaležna ad krynicy finansavańnia, miascovy vykankam dasyłaje list z abhruntavańniem nieabchodnaści ŭ Ministerstva kultury Biełarusi, jakoje vydaje zaklučeńnie. Bolš značnyja pomniki ŭ abłasnych centrach Biełarusi ŭzhadniajucca niepasredna z Łukašenkam.
Pavodle słoŭ dziejnaha archijepiskapa Ściafana, dobraŭparadkavańnie placoŭki budzie praviedziena paźniej «horadam», to bok za košt haradskoha biudžetu.
«Fłahštok» miarkuje, što ŭ budučyni jeparchija pasprabuje dapaŭniać skvier jašče i kultavym abjektam.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Kamientary