U indyjskim Kašmiry ŭzbrojenyja bajeviki napali na turystaŭ, dziasiatki zahinułych i paranienych
Uzbrojenyja bajeviki adkryli ahoń pa turystach na kurorcie ŭ kantralavanym Indyjaj Kašmiry. Pavodle apošnich źviestak, zahinuli 24 čałavieki. Dziasiatki ludziej paranienyja, mnohija ź ich znachodziacca ŭ ciažkim stanie, piša Euronews.
U palicyi paviedamili, što prynamsi čaćviora złamyśnikaŭ adkryli ahoń pa dziasiatkach turystaŭ ź blizkaj adlehłaści. Cieły zahinułych znojdzienyja na łuzie Bajsaran, raźmieščanym za piać kiłamietraŭ ad kurortnaha horada Pachałham u hetym zdaŭna sprečnym pamiž Indyjaj i Pakistanam rehijonie. Za dziasiatki hadoŭ kanfliktu tut zahinuli dziasiatki tysiač mirnych žycharoŭ, paŭstancaŭ i vajskoŭcaŭ.
Ułady Indyi nazvali toje, što adbyłosia, terarystyčnaj atakaj i ŭskłali adkaznaść za jaje na bajevikoŭ, jakija zmahajucca suprać indyjskaha kiravańnia.
«Hety napad našmat maštabniejšy, čym usio, što my bačyli ŭ apošnija hady, nakiravanaje suprać mirnych žycharoŭ», — zajaviŭ Amar Abdułach, vyšejšaja słužbovaja asoba rehijonu.
Palicyja viadzie pošuki tych, chto napadaŭ, pakul što zajaŭ pra pryniaćcie na siabie adkaznaści nie było.
Mirvajz Umar Faruk, adzin z hałoŭnych lidaraŭ kašmirskaha supracivu, nazvaŭ rasstreł ludziej «bajaźlivym napadam na turystaŭ». Pavodle jaho słoŭ, «taki hvałt nieprymalny i supiarečyć etycy Kašmira, jaki prymaje haściej ź luboŭju i ciapłom».
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy37
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary