U Biełarusi apošni čyrvony ŭzrovień niebiaśpieki z-za pyłku. Heta vielmi mocny alerhien
Bližejšyja niekalki dzion mohuć stać dla alerhikaŭ sapraŭdnym kašmaram.
Razam z prychodam viasnovaha ciapła pačaŭsia nie samy pryjemny dla mnohich ludziej pieryjad u hodzie. Z 21 krasavika pa ŭsioj Biełarusi ŭ pavietry fiksujecca maksimalna vysoki ŭzrovień pyłku.
Heta źviazana ź ćvicieńniem biarozy i volchi i stvaraje šmat prablem ludziam z alerhijaj, piša Tochka.by.
U Biełarusi zaćvili biaroza i volcha, z-za čaho ŭzrovień pyłku ŭ pavietry bje rekordy i ŭžo dasiahnuŭ «čyrvonych» značeńniaŭ.
Pavodle danych manitorynhavych servisaŭ, užo z 21 krasavika naša kraina trapiła ŭ vobłaka pyłku ad hetych dreŭ.
Takoje stanovišča zachavajecca da 23 krasavika, kali aktyŭnaść krychu spadzie. Bližej da kanca tydnia dychać stanie trochi lahčej, ale nienadoŭha.
Užo 26 i 27 krasavika ŭsia Biełaruś znoŭ apyniecca achutanaj pyłkom uzrovień jakoj dasiahnie «čyrvonych» značeńniaŭ. Hałoŭnaja pahroza — biaroza, a voś z-za volchi niazručnaściaŭ ludzi mohuć amal nie zaŭvažyć. Čakajecca, što aktyŭnaść upadzie ŭžo na nastupnym tydni.
Kali alerhikam bajacca
U Biełarusi ad palinozu (siezonnaj alerhii) pakutuje kala 30 tys. čałaviek, prykładna stolki ž pacyjentaŭ z branchijalnaj astmaj. Ale patencyjnych astmatykaŭ u krainie moža być u razy bolš. Pavodle mižnarodnaj statystyki, na adnaho vyjaŭlenaha pacyjenta z branchijalnaj astmaj prypadaje piać i bolš čałaviek ź nievyjaŭlenaj chvarobaj.
Pra piki abvastreńnia palinozu raspaviadaŭ śpiecyjalist pa dziciačaj alerhałohii Minzdaroŭja Dźmitryj Buza. Usiaho ich try, i prypadajuć jany na pieryjad z krasavika pa kastryčnik.
Z krasavika pa maj varta być aściarožnymi z-za pyłku dreŭ. Da siaredziny lipienia varta abychodzić bokam pali, bo vysokaja kancentracyja pyłku złakavych. U pustaziella taksama prachodzić pyleńnie, jano moža doŭžycca až da kastryčnika.
Taksama Buza ŭdakładniaŭ, što siezonnuju alerhiju moža vyklikać navat ćvil.
«Simptomy najčaściej nahadvajuć banalnuju virusnuju infiekcyju, bo najčaściej pakutujuć nos, vočy, ale nie vyklučanyja paražeńni orhanaŭ dychańnia», — padkreślivaŭ śpiecyjalist.
Pavodle danych Buzy, ź siaredziny sakavika ŭ miedustanovy źviartajecca ŭsio bolš ludziej z atapičnym dermatytam (skurnaj alerhijaj) i reśpiratornaj alerhijaj (orhanaŭ dychańnia).
Jon nahadaŭ, što padobnyja zachvorvańni lečacca pryjomam antyhistaminnych preparataŭ, jakija možna kupić u Biełarusi biez recepta.
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam4
Kamientary
A podkontrolnyje łukašistam mahaziny prodajut nieekołohičnyje strojmatieriały dla riemonta.
A potom oj, eto vsio pylca bieriozy vinovata.