У Беларусі апошні чырвоны ўзровень небяспекі з-за пылку. Гэта вельмі моцны алерген
Бліжэйшыя некалькі дзён могуць стаць для алергікаў сапраўдным кашмарам.
Разам з прыходам вясновага цяпла пачаўся не самы прыемны для многіх людзей перыяд у годзе. З 21 красавіка па ўсёй Беларусі ў паветры фіксуецца максімальна высокі ўзровень пылку.
Гэта звязана з цвіценнем бярозы і вольхі і стварае шмат праблем людзям з алергіяй, піша Tochka.by.
У Беларусі зацвілі бяроза і вольха, з-за чаго ўзровень пылку ў паветры б'е рэкорды і ўжо дасягнуў «чырвоных» значэнняў.
Паводле даных маніторынгавых сэрвісаў, ужо з 21 красавіка наша краіна трапіла ў воблака пылку ад гэтых дрэў.
Такое становішча захаваецца да 23 красавіка, калі актыўнасць крыху спадзе. Бліжэй да канца тыдня дыхаць стане трохі лягчэй, але ненадоўга.
Ужо 26 і 27 красавіка ўся Беларусь зноў апынецца ахутанай пылком узровень якой дасягне «чырвоных» значэнняў. Галоўная пагроза — бяроза, а вось з-за вольхі нязручнасцяў людзі могуць амаль не заўважыць. Чакаецца, што актыўнасць упадзе ўжо на наступным тыдні.
Калі алергікам баяцца
У Беларусі ад палінозу (сезоннай алергіі) пакутуе каля 30 тыс. чалавек, прыкладна столькі ж пацыентаў з бранхіяльнай астмай. Але патэнцыйных астматыкаў у краіне можа быць у разы больш. Паводле міжнароднай статыстыкі, на аднаго выяўленага пацыента з бранхіяльнай астмай прыпадае пяць і больш чалавек з невыяўленай хваробай.
Пра пікі абвастрэння палінозу распавядаў спецыяліст па дзіцячай алергалогіі Мінздароўя Дзмітрый Буза. Усяго іх тры, і прыпадаюць яны на перыяд з красавіка па кастрычнік.
З красавіка па май варта быць асцярожнымі з-за пылку дрэў. Да сярэдзіны ліпеня варта абыходзіць бокам палі, бо высокая канцэнтрацыя пылку злакавых. У пустазелля таксама праходзіць пыленне, яно можа доўжыцца аж да кастрычніка.
Таксама Буза ўдакладняў, што сезонную алергію можа выклікаць нават цвіль.
«Сімптомы найчасцей нагадваюць банальную вірусную інфекцыю, бо найчасцей пакутуюць нос, вочы, але не выключаныя паражэнні органаў дыхання», — падкрэсліваў спецыяліст.
Паводле даных Бузы, з сярэдзіны сакавіка ў медустановы звяртаецца ўсё больш людзей з атапічным дэрматытам (скурнай алергіяй) і рэспіраторнай алергіяй (органаў дыхання).
Ён нагадаў, што падобныя захворванні лечацца прыёмам антыгістамінных прэпаратаў, якія можна купіць у Беларусі без рэцэпта.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
А подконтрольные лукашистам магазины продают неэкологичные стройматериалы для ремонта.
А потом ой, это всё пыльца берёзы виновата.