Raniej płatforma ihnaravała biełaruskuju movu, ale apošnija dasiahnieńni ŭ madelach štučnaha intelektu źmianili situacyju. Heta robić biełaruskamoŭny kantent bolš dastupnym dla ludziej z usiaho śvietu.
Dahetul aŭtamatyčna stvoranyja subcitry dla biełaruskamoŭnych videa byli niedastupnyja, ich možna było tolki zahruzić asobna. Adnak jutub umieŭ pierakładać na biełaruskuju aŭtamatyčna stvoranyja subcitry dla videa na inšych movach.
Upieršyniu aŭtamatyčnyja biełaruskija subcitry pad videa na jutubie byli zaŭvažany ŭdzielnikami supołki «Biełaruski ŠI» ŭ kancy sakavika. Ale jany byli dastupnyja tolki pad asobnymi videa i amal adrazu jany źnikli. Ciapier ža aŭtamatyčnyja subcitry dastupnyja pad bolšaściu videa, stvoranych pa-biełarusku.
Dadańnie aŭtamatyčnych biełaruskich subcitraŭ źviazvajuć z vychadam u sakaviku 2025 hoda najnoŭšaj madeli štučnaha intelektu — Gemini 2.5 Pro Experimental, jakuju raspracoŭvaje kampanija Google DeepMind. Gemini — heta ŭniviersalnaja multymadalnaja madel, jakaja moža apracoŭvać tekst, aŭdyja, fota i videa, i zdolnaja vykonvać aŭtamatyčnaje raspaznavańnie maŭleńnia. Apošniaja viersija navučyłasia analizavać infarmacyju, vybudoŭvać łahičnyja łancužki i prymać abhruntavanyja rašeńni.
Jakasna raspaznavać biełaruskuju movu ŭžo ŭmieła viersija Gemini 2.0, jakaja była vypuščana ŭ pačatku hoda, viersija 2.5 stała jašče razumniejšaj.
Na apošnich viersijach Gemini entuzijasty ŭžo paśpieli stvaryć ułasnyja sistemy aŭtamatyčnaha stvareńnia biełaruskich subcitraŭ, jak, naprykład, SubtitlesBE dla karotkich videa. Ciapier, vidać, hetaj madeli znajšli i hłabalnaje prymianieńnie ŭ najbujniejšym videaservisie.
Danyja biełaruskaj movy mahli trapić u Gemini z naboraŭ Common Voice, adkrytaha prajekta pad svabodnaj licenzijaj, jaki źbiraje zapisy čałaviečaj movy dla navučańnia sistem aŭtamatyčnaha raspaznavańnia maŭleńnia. Sabrać prykłady biełaruskaha maŭleńnia ŭdałosia z dapamohaj prajekta donar.by.
Pakul subcitry dastupnyja nie pad usimi biełaruskamoŭnymi videa. Aŭtaram biełaruskamoŭnych kanałaŭ na jutubie, jakija chočuć mieć aŭtamatyčnyja subcitry, varta pravieryć, kab u naładach kanała mova videa była paznačana jak biełaruskaja.
Źjaŭleńnie aŭtamatyčnych subcitraŭ dla biełaruskamoŭnych videa pašyraje miežy raspaŭsiudu biełaruskaha kantentu. Ciapier pra biełaruskuju historyju, kultury i palityku moža daviedacca luby zamiežnik, prosta nacisnuŭšy na pierakład subcitraŭ na svaju rodnuju movu. Biełaruščyna vychodzić na novy ŭzrovień pradstaŭlenaści ŭ internecie.
Taksama aŭtamatyčnyja subcitry robiać biełaruskamoŭny kantent bližej dla ludziej, jakija majuć prablemy sa słycham.
«Naša Niva» — bastyjon biełaruščyny
PADTRYMAĆCiapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia2
Kamientary
Žyvie Biełaruś!