Kiraŭnik dziaržbiaśpieki Litvy pra litvinizm: Heta nie masavaja źjava
Remihijus Brydzikis pryznaje, što litvinizm, jaki nibyta raspaŭsiudžvajecca biełarusami ŭ Litvie, moža być niebiaśpiečnym, bo jaho možna vykarystoŭvać jak instrumient dla admaŭleńnia dziaržaŭnaści krainy. Adnak, pavodle jaho słoŭ, heta nie masavaja źjava, piša Delfi.lt.
«My ŭsprymajem heta jak instrumient, asabliva radykalny kampanient litvinizmu, dzie litoŭskaja dziaržaŭnaść admaŭlajecca jak isny fakt», — zajaviŭ kiraŭnik DDB u efiry telekanała LRT u sieradu.
«Viadoma, my nie možam abahulniać usich apazicyjanieraŭ u Litvie, u našym rehijonie ci ludziej biełaruskaj nacyjanalnaści. My nazirajem za takimi asobami, jakija, jak my bačym, metanakiravana ŭzdymajuć temu litvinizmu, kab admaŭlać isnavańnie Litvy abo historyju Litvy. Ale heta nie masavaja źjava», — dadaŭ jon.
Adnak, pavodle słoŭ R. Brydzikisa, hetaje pytańnie zastajecca ŭ poli zroku śpiecsłužbaŭ. «My nie zaŭvažajem arhanizavanaści, my nie zaŭvažajem nijakaha kankretnaha ruchu, ale jak tema jana vidavočna znachodzicca ŭ poli našaj uvahi», — skazaŭ kiraŭnik DDB.
Kamientary
Nu i kudy ž biez karysnych idyjotaŭ...