Kancler Hiermanii «pavinien vystavić Pucinu ŭltymatum — spynieńnie ahniu abo rakiety Taurus» — hałoŭny redaktar Bild
Vosieńniu 2024 hoda, kali ŭ niamieckim parłamiencie abmiarkoŭvałasia pastaŭka kryłatych rakiet Taurus, lidar CHDS Frydrych Mierc zajaŭlaŭ, što kancler pavinien vystavić Uładzimiru Pucinu ultymatum: abo Rasija spyniaje bambardziroŭki hramadzianskich abjektaŭ, abo Hiermanija pieradaje Ukrainie rakiety Taurus.
Ciapier fatel kanclera zojmie sam Mierc, i jaho buduć aceńvać, u tym liku, pavodle taho, ci pačnie jon dziejničać zhodna sa svajoj ułasnaj pazicyjaj. Hałoŭny redaktar Bild Paul Roncchajmier piša: «Paśla žachlivych rasijskich udaraŭ pa dziciačaj placoŭcy i bambardziroŭcy centra horada Sumy terminova nieabchodnaja dakładnaja pazicyja budučaha ŭrada [FRH] adnosna dalejšych pastavak uzbrajeńniaŭ.
Nadzieja na toje, što prezident ZŠA Donald Tramp zmoža chutka dasiahnuć miru pamiž Rasijaj i Ukrainaj, daŭno raźbiłasia.
Naadvarot — Pucin štodnia dakazvaje, što jon nie hatovy da pieramoŭ. Bo jon choča zachapić novyja terytoryi va Ukrainie. Bo jon ličyć Ukrainu častkaj Rasii. Bo jon nie baicca pahroz z boku Zachadu.
Tamu Mierc pavinien razam z prezidentam Francyi Makronam i premjer-ministram Polščy Tuskam dać zrazumieć: kali Pucin u vyznačany termin nie prymie prapanovu Trampa ab 30-dzionnym spynieńni ahniu, adbudziecca maštabnaje naroščvańnie vajennaj padtrymki Ukrainy, u tym liku z pastaŭkami rakiet Taurus. Zialenski ŭžo niekalki tydniaŭ tamu padpisaŭ prapanovu ab pieramirji, a Pucin dahetul ihnaruje Trampa.
Jak apazicyjny lidar Mierc prajaviŭ siabie vydatnym analitykam situacyi vakoł Ukrainy. Jak kancler ciapier jon pavinien vieści za saboj. Kali jaho abiaruć fiederalnym kancleram u mai, Mierc pavinien užo ŭ svajoj ustupnaj pramovie jasna paznačyć, na što jon hatovy zaraz.
Nielha dapuścić, kab Hiermanija i dalej nie reahavała na vajennyja złačynstvy Pucina», — reziumuje Roncchamier.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary