Ułady nazvali sabiekošt pajezdki ŭ hramadskim transparcie Minska
Sabiekošt pajezdki ŭ hramadskim transparcie Minska, zhodna z čynoŭnikami, pieravyšaje košt kvitka ŭ niekalki razoŭ.
Pavodle słoŭ namieśnika staršyni kamiteta pa ekanomicy Minharvykankama Volhi Leoška, realny sabiekošt adnoj pajezdki ŭ naziemnym hramadskim transparcie stalicy składaje kala 3 rubloŭ, u mietro — 2,32 rubla.
Hod tamu, adznačyła jana, sabiekošt pajezdki na naziemnym transparcie byŭ 2,31 rubla, u mietro — 1,91 rubla.
Adnak pasažyry apłačvajuć značna mienšyja sumy: 85 kapiejek za naziemny transpart i 90 kapiejek za mietro.
Z 10 krasavika pajezdka budzie kaštavać 95 kapiejek, u mietro 1 rubiel.
Pavodle raniejšych słoŭ staršyni Minharsavieta Arcioma Curana, pasažyry kampiensujuć mienš za treć realnaha koštu pajezdki, a astatniaje pakryvajecca z haradskoha biudžetu. Jon taksama adznačyŭ, što štohod dziasiatki miljonaŭ rubloŭ nakiroŭvajucca na abnaŭleńnie ruchomaha składu.
Papiaredni raz košt prajezdu ŭ staličnym hramadskim transparcie daražeŭ u krasaviku 2022 hoda.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu19
Kamientary
...pasažyry kampiensujuć mienš za treć realnaha koštu pajezdki"
To bok jak u Polščy? U nas na Kipre trochu daražejšy
Mnie padabajecca, što narod nie ŭśviadamlaje, nakolki hramadski transpart i košty na kamunałku datacyjnyja