U Biełaruś sprabavali ŭvieźci najbujniejšuju ŭ historyi krainy partyju vybuchoŭki — 580 kh
Kiroŭcu zatrymali na miažy z Polščaj.
Biełaruskaja mytnia paviedamiła, što 41-hadovy kiroŭca sprabavaŭ pravieźci praź biełaruska-polskuju miažu i dalej transpartavać u Rasiju 580 kiłahramaŭ asabliva mahutnaha vybuchovaha rečyva zamiežnaj vytvorčaści (mierkavana ZŠA).
Mužčyna nakiroŭvaŭsia praz punkt propusku «Brest» na Mercedes. Na padstavie sistemy analizu ryzyk mytniki nakiravali aŭto na skanavańnie. Na skanahramie ŭbačyli niecharakternyja zaciamnieńni ŭ padłozie aŭtamabila, a taksama ŭ ściency, jakaja padzialaje hruzavy i pasažyrski adsieki.
Dalej — pahłybleny dahlad, u vyniku jakoha častkova demantavali padłohi i ścienki aŭtamabila. Hetyja miescy byli całkam napoŭnieny toŭstym płastom rečyva śvietła-šeraha i śvietła-žoŭtaha koleru.
Mierkavana, vybuchovaje rečyva sprabavali schavać, nakryŭšy jaho vibrašumamizalacyjnymi listami i listami DSP. Kab na jaho nie zreahavali słužbovyja sabaki, unutranyja krai kuzava apracavali techničnaj zmazkaj.
Rečyva vyniata z pryciahnieńniem kampietentnych śpiecyjalistaŭ.
Apieratyŭna praviedzienaja mytnaj łabaratoryjaj ekśpiertyza paćvierdziła, što vyjaŭlenaje rečyva — mahutnaje bryzantnaje vybuchovaje rečyva pientaerytrytetranitrat (TEN) ahulnaj kolkaściu bolš za 580 kiłahramaŭ.
Kiroŭca zatrymany. Na jaho (i inšych nievyjaŭlenych asob) zaviali kryminalnuju spravu pa č. 2 art. 333-1 Kryminalnaha kodeksa. Pa im pahražaje pazbaŭleńnie voli da 10 hadoŭ.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
Žyvie Biełaruś.
Słava Ukrainie.