Minadukacyi vyznačyła terminy ŭstupnaj kampanii ŭ VNU ŭ 2025 hodzie
Ministerstva adukacyi zaćvierdziła terminy praviadzieńnia ŭstupnaj kampanii va ŭstanovy vyšejšaj adukacyi ŭ 2025 hodzie. Adpaviednaja pastanova №56 ad 26 sakavika 2025 hoda apublikavana na Nacyjanalnym pravavym internet-partale, piša BiełTA.
Asnoŭnyja daty padačy dakumientaŭ:
z 12 pa 17 lipienia — u dziaržaŭnyja VNU (biudžet i płatnaja asnova);
z 12 pa 19 lipienia — dzionnaja forma pa napramkach «Sielskaja haspadarka», «Vieterynaryja», «Rybnaja haspadarka», «Achova pracy», a taksama vuzy siłavych viedamstvaŭ (Akademija MUS, Vajskovaja akademija i inš.);
z 15 listapada pa 5 śniežnia — zavočnaja forma ŭ sielskahaspadarčych VNU.
Dla tych, chto pastupaje na płatnaj asnovie biez ustupnych ispytaŭ, dakumienty buduć prymacca:
z 12 pa 26 lipienia — va Univiersitet hramadzianskaj abarony MNS;
z 12 lipienia pa 2 žniŭnia — dzionnaja forma pa ahrarnych śpiecyjalnaściach;
z 12 lipienia pa 1 žniŭnia — u inšych VNU;
z 15 listapada pa 5 śniežnia — zavočnaja forma ŭ ahrarnych VNU.
Asobnyja katehoryi pastupajučych:
z 12 pa 14 lipienia — vypuskniki profilnych kłasaŭ i ŭdzielniki prahram u Nacyjanalnym dziciačym technaparku;
z 27 červienia pa 1 lipienia — pieramožcy VNU-alimpijad i ŭdzielniki prahramy «Škoła kiravańnia» pry Akademii kiravańnia.
Ustupnyja ispyty:
z 18 pa 25 lipienia — u bolšaści VNU;
z 18 pa 20 lipienia — va Univiersitecie hramadzianskaj abarony MNS;
z 20 pa 21 lipienia — na vajennym fakultecie HrDU imia Janki Kupały;
z 6 pa 15 śniežnia — dla zavočnaj formy ŭ ahrarnych VNU.
Zaličeńnie na biudžet:
2 lipienia — alimpijadniki i ŭdzielniki prahramy Akademii kiravańnia;
da 22 lipienia — u VNU siłavych struktur;
da 27 lipienia — u inšyja dziaržaŭnyja VNU;
da 20 śniežnia — dla zavočnaj formy ŭ ahrarnych VNU.
Zaličeńnie na płatnaj asnovie:
da 3 žniŭnia — dzionnaja forma;
da 20 śniežnia — zavočnaja forma ŭ ahrarnych VNU.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary