Budučynia biełaruskaha elektramabila ŭ tumanie: «Mahiloŭliftmaš» i «Vymiaralnik» robiać zanadta darahija zapčastki
Sieryjny vypusk biełaruskaj «elektryčki» abiacali naładzić jašče ŭ minułym hodzie. Ale ciapier niezrazumieła, ci buduć jaho ŭvohule vypuskać. Mašyna atrymlivajecca zanadta darahaja.
U Biełarusi vypuścili piać pieršych uzoraŭ ajčynnaha elektrakara, adnak budučynia sieryjnaj vytvorčaści aŭto ŭ tumanie.
Jak raskazaŭ namieśnik dyrektara Abjadnanaha instytuta mašynabudavańnia NAN Alaksandr Bialevič, kali vypuścić elektrakar ciapier, to jon nie vytrymaje kankurencyi na rynku.
Kamplektujučyja dla biełaruskaha elektrakara robiać na «Mahiloŭliftmašy», navapołackim «Vymiaralniku» i Pieršaj akumulatarnaj kampanii. Prablema ŭ tym, što hetyja kamplektujučyja zanadta darahija, paviedamlaje «Biełaruś 1».
«Klučavym pytańniem źjaŭlajecca pakul ekanamičny składnik. Košt voś hetych kampanientaŭ, vyrablenych u nas, na žal, pakul vielmi vysoki, kab mašyna była kankurentazdolnaja na rynku. I pakul nie vyrašycca hetaje pytańnie, vielmi składana kazać pra toje, što my sapraŭdy hatovyja zapuścić mašynu ŭ sieryjnuju vytvorčaść», — skazaŭ Bialevič.
Pa jaho słovach, mašynu možna vypuścić, ale tady jaje treba pradavać. A vyrablać elektrakary dziela vytvorčaści niama nijakaha sensu.
Viasnoj 2024-ha tahačasny vice-premjer Piatro Parchomčyk zajaŭlaŭ, što pieršyja ŭzory biełaruskaha elektramabila źjaviacca da vosieni, a da kanca hoda jaho zapuściać u sieryjnuju vytvorčaść. Adnak terminy zrušylisia, a ciapier uvohule niezrazumieła, ci pačnuć vypuskać biełaruskija elektrakary.
Niadaŭna Bialevič adznačaŭ, što aptymalnaja cana elektrakara — 25-30 tysiač dołaraŭ. Adnak u ciapierašnim vyhladzie jon moža kaštavać da 40-50 tysiač.
«Za $50 tysiač nichto nie kupić». Biełaruski elektrakar buksuje: zapusk u sieryjnuju vytvorčaść znoŭ pieranieśli
Akademija navuk: My možam sprajektavać elektraruchavik nie horšy čym «Tesła», ale heta biessensoŭna
Stała viadoma, jak padaražejuć impartnyja aŭto ŭ Biełarusi
Na Wildberries možna zamović aŭtamabili z prabieham
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary