«Za $50 tysiač nichto nie kupić». Biełaruski elektrakar buksuje: zapusk u sieryjnuju vytvorčaść znoŭ pieranieśli
Zapuścić biełaruski elektramabil u sieryjnuju vytvorčaść źbiralisia jašče ŭ 2024 hodzie. Ale terminy adkładajucca.
Sieryjny vypusk biełaruskaha elektrakara zapuścicca nie raniej za 2026 hod. Pra heta raskazaŭ namieśnik dyrektara Abjadnanaha instytuta mašynabudavańnia NAN Biełarusi Alaksandr Bialevič.
Pavodle jaho słoŭ, piać testavych uzoraŭ užo sabrali, ciapier ich vypraboŭvajuć na palihonach.
«Kab aŭtamabil pajšoŭ u sieryju, treba ŭkłaścisia ŭ asnaščeńnie, treba krychu pierabudavać vytvorčyja pracesy tych ža vytvorcaŭ kampanientaŭ — a heta vielmi niachutkaja sprava.
Ja b prahnazavaŭ heta na nastupny hod navat, pačatak nastupnaha hoda, tamu što zrabić technałahičnaje asnaščeńnie — akramia hrošaj, heta čas. Maje prahnozy — nie raniej za nastupny hod», — zajaviŭ Bialevič u efiry Biełaruskaha telebačańnia.
U Akademii navuk ličać, što z punktu hledžańnia kanstrukcyi biełaruski elektramabil nie prajhraje kitajskim anałaham, sastupaje jon pakul tolki pa adzinym pakazčyku — cana.
«Metavy košt aŭtamabila, my b chacieli, kab jon kaštavaŭ u rajonie 25-30 tysiač dalaraŭ. Heta taja cana, u jakuju my chočam jaho zahnać, i ličym, što tady dla rynku jon budzie kankurentazdolny», — skazaŭ Bialevič.
Jon dadaŭ, što pakul nieviadoma, ci atrymajecca zrabić takuju canu dla spažyŭca.
«My viadziem pracu z pastaŭščykami, z vytvorcami, jak vyjści na hetuju canu. Tamu što kali naš aŭtamabil budzie kaštavać 40-50 tysiač dalaraŭ, to jakija tut miery dziaržpadtrymki ni ŭklučaj, jon nie budzie pradavacca, heta značyć heta budzie adzinkavy pradukt», — reziumavaŭ Bialevič.
Viasnoj 2024 hoda tahačasny vice-premjer Piatro Parchomčyk zajaŭlaŭ, što pieršyja ŭzory biełaruskaha elektramabila źjaviacca da vosieni, a da kanca hoda jaho zapuściać u sieryjnuju vytvorčaść.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary