Ukraina ŭ cełym padtrymlivaje spynieńnie ŭdaraŭ pa enierhietycy Rasii, ale pavinien być taki ž uzajemny krok i z rasijskaha boku, paviedamiła «Suśpilnomu» krynica ŭ Ofisie prezidenta Ukrainy.
Pieramovy prezidentaŭ ZŠA i Ukrainy doŭžylisia amal hadzinu.
Hety čas jany ŭzhadniali detali režymu cišyni ŭ niebie, na mory i jak možna dasiahnuć cišyni na froncie. Zialenski prainfarmavaŭ ab situacyi na poli boju. Abmierkavali i pytańnie vyzvaleńnia pałonnych.
Tramp raspavioŭ, pra što jon havaryŭ z Pucinym u dačynieńni da Ukrainy 18 sakavika.
Krynica «Suśpilnoho» dadała, što Ukraina ŭ cełym padtrymlivaje spynieńnie ŭdaraŭ pa enierhietycy Rasii, ale pavinien być taki ž uzajemny krok i z rasijskaha boku.
Paśla zaviaršeńnia razmovy ź Zialenskim Tramp napisaŭ, što dyjałoh pryjšoŭ «vielmi dobra».
18 sakavika adbyłasia telefonnaja razmova Trampa i Pucina. Jaje Tramp taksama vyznačyŭ jak «vielmi dobruju i praduktyŭnuju». Paviedamlałasia, što Pucin padtrymaŭ ideju Trampa ab uzajemnaj admovie Rasii i Ukrainy na 30 dzion ad udaraŭ pa enierhietyčnaj infrastruktury i daŭ takuju kamandu vajskoŭcam.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary