«Usie nohi ŭ ich». U Kamianieckim rajonie sutyknulisia z atakaj lasnych nasiakomych
U tyktoku apublikavali rolik, u jakim pakazali, jak u Kamianieckim rajonie ludziej užo ŭ sakaviku atakujuć nibyta klaščy. Na apublikavanych kadrach bačnaje adzieńnie, ableplenaje niejkimi nasiakomymi, zaŭvažyŭ Telegraf.news.
«Budźcie aściarožnyja ŭ lesie, vielmi šmat klaščoŭ. Za chvilin 10 usie nohi ŭ ich», — zrabiŭ podpis da rolika jahony aŭtar.
Videa sabrała ŭžo bolš za 3 tysiačy repostaŭ, a taksama niamała kamientaroŭ.
«U hetym ničoha dobraha. Treba kudyści źviartacca, kab apracoŭvali ad hetaj pošaści, dva hady tamu ledź bohu dušu nie addała ad ukusu», — padzialiłasia adna z kamientatarak.
Niekatoryja kamientatary, adnak, vykazali zdahadku, što nasamreč heta nie klaščy, a łasinaja mucha, abo alenievaja kryvasoska.
Alenievaja kryvasoska (łac. Lipoptena cervi), taksama viadomaja jak łasinaja mucha, łasinaja voš abo łasiny klešč — vid siamiejstva kryvasoski. Ich samcy i samki siłkujucca kryvioj ciepłakroŭnych žyvioł. Heta łasi, aleni, kazuli, bujnaja rahataja žyvioła, znachodzili łasinaha klašča taksama na dzikach, barsukach, lisach, rasamachach, miadźviedziach, sabakach, aviečkach, kozach.
Zrešty, alenievyja kryvasoski mohuć napadać i na čałavieka dy siłkavacca jahonaj kryvioj. Ale klaščami jany nie źjaŭlajucca.
Pa apublikavanych kadrach nieśpiecyjalistu składana vyznačyć, klaščy heta ci alenievaja kryvasoska. Ale sutykałasia sa źjavaj sioleta nie tolki aŭtarka rolika.
«Taksama zajšli ŭ les, litaralna na 10 m ad darohi, i ŭžo pa kałašynie paŭzie. Nie było zamarazkaŭ — i voś vynik», — padzialiłasia inšaja kamientatarka.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary