«Усе ногі ў іх». У Камянецкім раёне сутыкнуліся з атакай лясных насякомых
У тыктоку апублікавалі ролік, у якім паказалі, як у Камянецкім раёне людзей ужо ў сакавіку атакуюць нібыта кляшчы. На апублікаваных кадрах бачнае адзенне, аблепленае нейкімі насякомымі, заўважыў Telegraf.news.
«Будзьце асцярожныя ў лесе, вельмі шмат кляшчоў. За хвілін 10 усе ногі ў іх», — зрабіў подпіс да роліка ягоны аўтар.
Відэа сабрала ўжо больш за 3 тысячы рэпостаў, а таксама нямала каментароў.
«У гэтым нічога добрага. Трэба кудысьці звяртацца, каб апрацоўвалі ад гэтай пошасці, два гады таму ледзь богу душу не аддала ад укусу», — падзялілася адна з каментатарак.
Некаторыя каментатары, аднак, выказалі здагадку, што насамрэч гэта не кляшчы, а ласіная муха, або аленевая крывасоска.
Аленевая крывасоска (лац. Lipoptena cervi), таксама вядомая як ласіная муха, ласіная вош або ласіны клешч — від сямейства крывасоскі. Іх самцы і самкі сілкуюцца крывёй цеплакроўных жывёл. Гэта ласі, алені, казулі, буйная рагатая жывёла, знаходзілі ласінага кляшча таксама на дзіках, барсуках, лісах, расамахах, мядзведзях, сабаках, авечках, козах.
Зрэшты, аленевыя крывасоскі могуць нападаць і на чалавека ды сілкавацца ягонай крывёй. Але кляшчамі яны не з'яўляюцца.
Па апублікаваных кадрах неспецыялісту складана вызначыць, кляшчы гэта ці аленевая крывасоска. Але сутыкалася са з'явай сёлета не толькі аўтарка роліка.
«Таксама зайшлі ў лес, літаральна на 10 м ад дарогі, і ўжо па калашыне паўзе. Не было замаразкаў — і вось вынік», — падзялілася іншая каментатарка.
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе13
Каментары