U intervju telekanału Fox News prezident ZŠA havaryŭ pra Ukrainu, Blizki Uschod, inflacyju, situacyju na paŭdniovaj miažy i jadziernuju zbroju.
Donald Tramp vykazaŭ upeŭnienaść, što, niahledziačy na žorstkuju razmovu, jakaja adbyłasia 28 lutaha ŭ kancy sustrečy z presaj u Avalnym kabiniecie Biełaha doma, prezident Ukrainy Uładzimir Zialenski vierniecca da razmovy i padpiša damovu pa redkaziamielnych mietałach, piša «Hołas Amieryki».
Prezident ZŠA padkreśliŭ jašče raz, što hetaja damova patrebnaja, bo jana adnaŭlaje spraviadlivy bałans pamiž ZŠA i Jeŭropaj u pytańniach srodkaŭ, układzienych u padtrymku Ukrainy, i ŭmoŭ, na jakich jany byli dadzieny.
«Jon (Zialenski) razumny chłopiec, i jon žorstki chłopiec, — adznačyŭ Tramp. — I jon braŭ hrošy z našaj krainy pry Bajdenie, jak dzicia cukierki… Ja prosta nie dumaju, što jon udziačny…».
Donald Tramp padkreśliŭ, što ŭkraincy sapraŭdy advažna zmahalisia, ale nahadaŭ, što mienavita jon, padčas svajho pieršaha prezidenckaha terminu, pastaviŭ Ukrainie «Džavieliny».
Adnak najvažniejšym 47-y prezident ZŠA ličyć toje, što žachlivyja padziei, jakija adbyvajucca ciapier, nie adbylisia b, kali b jon zastaŭsia na pasadzie prezidenta na druhi termin.
«Vy b nie ŭbačyli, jak Rasija ŭvarvałasia va Ukrainu. U vas nie było b hetaj situacyi z CHAMAS, i 7 kastryčnika nikoli b nie adbyłosia, tamu što Iran byŭ zrujnavany…
U vas nikoli b nie było najhoršaj evakuacyi, jakuju kali-niebudź bačyŭ śviet, ja maju na ŭvazie — Afhanistan, jaki staŭ samym hałoŭnym dniom hańby ŭ historyi našaj krainy.
-
Čatyry aeraporty ŭ Danii paviedamili pra nieapaznanyja drony. U adnym ź ich prypynili paloty
-
Hłabalny zruch u katalictvie: u Indyi bolš sieminaryj, čym u Italii, a ksiandzy na padmienu pryjazdžajuć u Jeŭropu z Afryki
-
«Byŭ stračany momant ź Biełaruśsiu». Zialenski padčas vystupleńnia ŭ AAN zhadaŭ našu krainu
Ciapier čytajuć
Na tolki što adkrytaj polskaj miažy ŭžo ŭtvaryłasia čarha z troch tysiač aŭtamabilaŭ1
Kamientary