«Pasyłak bolš čym na 500 kiłahramaŭ»: padrabiaznaści spravy Natalli Ładućki, jakuju adpravili ŭ kałoniju za dapamohu palitviaźniam
«Našaj Nivie» stali viadomy detali kryminalnaj spravy suprać nieabyjakavaj minčanki, jakuju žorstka pakarali za dapamohu ludziam za kratami.
Natallu Ładućku zatrymali ŭ studzieni 2024 hoda. Praz hod adbyŭsia sud — abvinavačvali piensijanierku ŭ sadziejničańni «ekstremisckaj dziejnaści» (častki 1 i 2 art. 361-4 Kryminalnaha kodeksa).
«Naša Niva» daviedałasia, što ž kankretna sudździa Jaŭhien Pisarevič paličyŭ złačynstvam. Farmuloŭka suda hučyć tak: «biazvypłatnyja pieraličeńni hrašovych srodkaŭ i adpraŭleńniaŭ praduktaŭ charčavańnia, pradmietaŭ adzieńnia, srodkaŭ asabistaj hihijeny i inšych pradmietaŭ asobam, jakija ŭtrymlivajucca pad vartaj i ŭ miescach vykanańnia pakarańnia, źviazanaha z pazbaŭleńniem voli». «Ekstremisckaje farmiravańnie», u sadziejničańni jakomu abvinavacili Natallu, — Dissidentby.
U spravie piensijanierki ź Minska pieraličana 177 epizodaŭ — havorka idzie pra hrašovyja pieravody i pasyłki. Voś niekalki prykładaŭ taho, što staviłasia ŭ vinu: pieraličyła 100 rubloŭ na turemny rachunak viaźnia, dasłała pasyłku vahoj 4 kiłahramy. Pieršaje adpraŭleńnie adbyłosia ŭletku 2021 hoda, apošniaje — u śniežni 2023 hoda, za miesiac da zatrymańnia žančyny.
Atrymlivajecca, što Natalla rabiła adpraŭleńni trochi bolš za dva hady. Za hety čas, zhodna z materyjałami spravy, jana pieraličyła bolš čym 4000 rubloŭ i adpraviła pasyłak bolš čym na 500 kiłahramaŭ.
Prakuror Dźmitryj Chavaŭka prasiŭ pakarać Natallu Ładućku 4 hadami kałonii i štrafam pamieram u 500 bazavych. Sudździa vyrašyŭ pavialičyć pamier štrafu da 600 bazavych vieličyń.
U vyniku piensijaniercy pryznačyli 4 hady kałonii ahulnaha režymu i štraf 25 200 rubloŭ. Ciapier Natalla Ładućka znachodzicca ŭ Homielskim SIZA i čakaje apielacyi.
2 hady turmy za 5 słoŭ. Historyja byłoha supracoŭnika KDB, jakoha aryštavali paśla dopisu «Biełaruskamu Hajunu»
Žychara Kobryna ź invalidnaściu pryhavaryli da 4,5 hod kałonii
Paćvierdžanaja infarmacyja pra vyzvaleńnie piaci palitźniavolenych z Homielščyny
Analityka Andreja Parotnikava pryhavaryli da 10 hod źniavoleńnia
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary