Analityka Andreja Parotnikava pryhavaryli da 10 hod źniavoleńnia
Jaho sudzili ŭ 2024 hodzie, ale vynik byŭ nieviadomy. Zaraz pra prysud analityku paviedamiła inicyjatyva «Kraina dla žyćcia».
Sudzili Andreja Parotnikava ŭ kastryčniku 2024 hoda pa piaci artykułach Kryminalnaha kodeksu:
- zdrada dziaržavie (častka 1 art. 356),
- zmova ci inšyja dziejańni, učynienyja z metaj zachopu ŭłady (častka 1 art. 357),
- sadziejničańnie ekstremisckaj dziejnaści (č. 2 art. 361-4),
- uvachodžańnie ŭ skład ekstremisckaha farmiravańnia (č. 3 art. 361-1),
- pieraškoda ažyćciaŭleńniu vybarčych pravoŭ (častka 2 art. 191).
Ciapier stała viadoma, što jaho pryhavaryli da 10 hod źniavoleńnia ŭzmocnienaha režymu.
Andrej Parotnikaŭ — kiraŭnik analityčnaha centra Belarus Security Blog, vajenny ekśpiert. Pra zatrymańnie analityka stała viadoma ŭ žniŭni 2023 hoda.
Tady pa dziaržaŭnym kanale ANT pakazali film pra zatrymańnie Parotnikava. U im namieśnik načalnika śledčaha ŭpraŭleńnia KDB Kanstancin Byčak kazaŭ, što analityk «metanakiravana daŭ zhodu pradstaŭniku polskaj vyviedki na supracoŭnictva».
Pa viersii KDB, vajenny ekśpiert vykonvaŭ «zadańni pa zbory i analizie» źviestak «u sacyjalnaj, ekanamičnaj, palityčnaj i vajennaj śfierach, u tym liku zakrytaha charaktaru».
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary