Telegram pačnie pakazvać krainu, u jakoj zarehistravany akaŭnt, i datu jaho rehistracyi. Ci moža heta być niebiaśpiečnym?
Źmieny, jakija Pavieł Duraŭ anansavaŭ u lipieni 2024 hoda, uvasablajucca ŭ žyćcio. Miery pavinny najpierš abaraniać ad machlaroŭ.
Što zdaryłasia?
Pra toje, što funkcyja nieŭzabavie zapracuje, paviedamili profilnyja telehram-kanały. Jana źjaviłasia ŭ beta-viersii klijenta dła Android. Duraŭ anansavaŭ hetyja źmieny jašče 24 lipienia 2024.
Jak jana pracuje?
Kali vam upieršyniu piša čałaviek, jaki nie ŭ vašych kantaktach, to ŭ dyjałohu vam pakažuć toje, ź jakoj krainy jahony numar, kolki ŭ vas ahulnych supołak i jak daŭno zarehistravany akaŭnt.
Praź niejki čas paśla taho, jak vy pačniacie dyjałoh, jano źniknie. To-bok kali pišuć vam, to toj, chto adpraŭlaje paviedamleńnie, nie bačyć vašych źviestak. Taksama jany nie bačnyja ŭ vypadku, kali vy ŭžo mieli dyjałoh z čałaviekam raniej.
Ideja ŭ tym, kab zvyčajnamu karystalniku praściej było raspaznać machlarski akaŭnt. Siarod novaŭviadzieńniaŭ — Telegram budzie pakazvać čas apošniaj źmieny fota ŭ akaŭnta, kab lahčej było identyfikavać ludziej, jakija pastajanna mianiajuć źviestki, kab zajmacca machlarstvam.
Ci moža heta być niebiaśpiečna?
Pakul skazać składana, ale ŭ takim vyhladzie my nie bačym novych vialikich uraźlivaściaŭ.
Adzinaja prablema, jakaja moža ŭźniknuć tearetyčna — kali śpiecsłužby buduć niejkim čynam pravakavać biełarusaŭ, kab tyja pisali im pieršymi, i źbirać pra ich hetyja źviestki. Ale abaranicca ad hetaha nieskładana — prosta nie pišycie pieršymi tym, u kim nie peŭnyja (najpierš, vypadkovym ludziam z čataŭ), ale hetaha i tak było rabić nie varta. To-bok radykalna novyja rekamiendacyi pa biaśpiecy tut dać ciažka.
Ź inšaha boku, heta moža być karysnym. Biełarusam stanie praciej adroźnivać akaŭnty śpiecsłužbaŭ i machlaroŭ — jany zvyčajna zarehistravanyja zusim niadaŭna. Ale, viadoma, panacejaj heta nie stanie, bo, naprykład, u HUBAZiKa jość ułasnaja sietka starych i zachoplenych akaŭntaŭ.
«Naša Niva» — bastyjon biełaruščyny
PADTRYMAĆTłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Jak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd
Jakija źviestki pra nas zachoŭvaje Telegram i što moža źmianicca dla karystalnikaŭ, kali jon stanie raskryvać ich śpiecsłužbam?
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary