Zdaroŭje99

Jak časta treba kakać?

Ekśpierty vyśvietlili, što častata vašych pachodaŭ u tualet moža šmat raskazać pra vaša zdaroŭje. Jak pravilna kakać, tłumačyć BBC.

Ilustracyjnaje fota: Classen/ullstein bild / Getty Images

Častata pachodaŭ u tualet zaležyć ad cieła kožnaha asobnaha čałavieka. Žadańnie schadzić u tualet źjaŭlajecca kožny raz, kali my jamo i vialiki kišečnik ściskajecca — ruchaje ježu pa straŭnikava-kišačnym trakcie. Bolšaść ź ludziej navučyłasia padaŭlać heta žadańnie, tamu kakańnie raz na dzień stała normaj.

Ale «norma» nie zaŭsiody vierny termin, kali havorka pra pachody ŭ tualet. Adno z daśledavańniaŭ navat dakazvała, što «normaj» možna ličyć i adzin raz za tydzień ci miesiac, i 24 razy na dzień.

Ciapier, dziakujučy pracy vučonych jak Kien Chitan, my viedajem pra hetu spravu bolš. Chitan i jaho kalehi praviali apytańnie siarod žycharoŭ Zachodniaha Brystala: «Jak časta vy kakajecie?»

Samy papularny adkaz — raz na dzień, ale i jon byŭ tolki ŭ 40% apytanych mužčyn i 33% apytanych žančyn. Niekatoryja chadzili ŭ tualet mienš, čym raz na tydzień, inšyja — try razy na tydzień.

Vučonyja pryjšli da vyniku, što narmalnaj funkcyjaj pracy kišečnika (jakoj jany nazvali kakańnie raz na dzień) nasałodžvajucca mienš za pałovu ludziej.

Kien Chitan užo daŭno zajmajecca vyvučeńniem taho, jak ludzi chodziać u tualet. Raniej jon dapamoh raspracavać Škału formaŭ kakašak Brystalskaha ŭniviersiteta. Jana dapamahaje lekaram dyjahnastavać chvaroby ŭ pacyjentaŭ.

Ale važna razumieć nie tolki normu častaty, ale i toje, što jana značyć. Ciapier pavialičvajecca kolkaść daśledavańniaŭ, jakija pakazvajuć, što častata kakańnia moža być mocnym indykataram zdaroŭja čałavieka.

Naprykład, daśledavańnie 2023 hoda vyvučała kišečnyja zvyčki 14,573 darosłych u ZŠA. Najbolš časty adkaz pra kakańnie byŭ siem razoŭ na tydzień (50,7% ludziej), a najbolš raspaŭsiudžany typ «jak kaŭbaska abo źmiaja, hładkaja i miakkaja».

Daśledčyki zatym sačyli za ŭdzielnikami bolš za piać hadoŭ, kab pravieryć, ci isnuje suviaź pamiž rehularnaściu kakańnia i śmiarotnaściu.

Jany vyjavili, što ludzi, jakija kakali čatyry miakkija kakaški ŭ tydzień, byli ŭ 1,78 razu bolš schilnyja pamierci na praciahu piaci hadoŭ, čym tyja, chto kakali narmalnyja siem razoŭ na tydzień.

Ludzi, jakija kakali mienš, byli ŭ 2,42 i 2,27 raz bolš schilnyja pamierci ad raku i sardečna-sasudzistych zachvorvańniaŭ.

Amierykanski vučony Šon Hibans taksama vyvučaŭ heta pytańnie. U 2024 hodzie jon pravioŭ daśledavańnie, jakoje kateharyzavała 1,400 zdarovych darosłych u čatyry hrupy na asnovie ich tualetnych zvyčak:

  • zapory (adzin-dva pachody ŭ tualet u tydzień);
  • nizkaja norma (try-šeść pachodaŭ u tualet u tydzień);
  • vysokaja norma (adzin-try pachody ŭ tualet u dzień);
  • dyjareja.

Potym Hibans daviedvaŭsia, ci isnuje suviaź pamiž častatoj kakańnia i mikrabijomam kišečnika čałavieka.

Vyjaviłasia, što tyja, chto časta kakali, mieli bolšuju kolkaść «dobrych» bakteryj u svaim kišečniku, čym tyja, chto chadzili ŭ tualet radziej.

I naadvarot — ludzi, jakija kakali mienš za try razy ŭ tydzień, byli bolš schilnyja mieć taksiny ŭ kryvi, źviazanyja z takimi zachvorvańniami jak chraničnaje zachvorvańnie nyrak i chvaroba Alchiejmiera.

Hibans ličyć, što ludzi z zaporami majuć šmat škodnych taksinaŭ u kryvi tamu, što kakaški zastajucca ŭ ich kišečniku doŭhi čas.

Kamientary9

  • Answer
    27.02.2025
    Hłavnoje, vsiehda imieť pod rukoj čiemodančik!
  • WTF?
    27.02.2025
    Čakajem u biełaruskaj haziecie z karcinkami artykuły "Kolki litraŭ treba napisiać", "Jak pravilna pukać" i "Jak rabić dziaciej".
  • daviedka
    27.02.2025
    Jeśli chodiť každyj dień, to budieš priviazan k unitazu... Pravda, kohda obješsia śviežich fruktov (jabłok, arbuza) kiłohrammami, to ježiednievnyj stuł harantirovan.

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić