Siabra Łukašenki Dodzika prysudzili da hoda turmy ŭ Bośnii i Hiercahavinie
Dodziku taksama zabaranili na šeść hadoŭ zajmać pasadu prezidenta Respubliki Sierbskaj.
Sud Bośnii i Hiercahaviny prysudziŭ prezidenta Respubliki Sierbskaj Miłarada Dodzika da hoda turmy. Akramia taho, palityku zabaranili zajmać pasadu prezidenta na termin šeść hadoŭ. Heta rašeńnie suda pieršaj instancyi, jano moža być abskardžanaje, piša avaz.ba.
Dodzika abvinavacili ŭ niepadparadkavańni Viarchoŭnamu pradstaŭniku pa Bośnii i Hiercahavinie Krystyjanu Šmitu. U 2023 hodzie Narodny schod Respubliki Sierbskaj (heta častka fiederacyi Bośnii i Hiercahaviny) pryniaŭ zakon, pavodle jakoha rašeńni Viarchoŭnaha pradstaŭnika nie buduć publikavacca ŭ «Aficyjnym vieśniku». Adnak pierad tym, jak zakon ustupiŭ u siłu, Viarchoŭny pradstaŭnik Krystyjan Šmit skasavaŭ jaho.
Dodzik abviaściŭ, što ŭsio roŭna padpiša ŭkaz ab uviadzieńni zakona ŭ dziejańnie. Tady Šmit unios źmieny ŭ Kryminalny kodeks Bośnii i Hiercahaviny, zrabiŭšy niepadparadkavańnie rašeńniam Viarchoŭnaha pradstaŭnika kryminalnym złačynstvam.
Niahledziačy na hetyja rašeńni, Dodzik usio ž padpisaŭ ukaz. Usiaho za niekalki miesiacaŭ dva kiraŭniki «Aficyjnaha vieśnika» padali ŭ adstaŭku, ale ŭrešcie Miłaš Łukič, v.a. dyrektara, apublikavaŭ u im pryniatyja zakony. Łukiča ŭ vyniku taksama sudzili, ale apraŭdali.
Viarchoŭny pradstaŭnik pa Bośnii i Hiercahavinie adkazvaje za realizacyju Dejtanskich mirnych pahadnieńniaŭ, jakija zaviaršyli vajnu. U jaho davoli šyrokija paŭnamoctvy: viarchoŭny pradstaŭnik, siarod inšaha, moža zvalniać lubuju słužbovuju asobu, zabaraniać lubym asobam udzielničać u vybarach, a taksama padpisvać časovyja abaviazkovyja ŭkazy ŭ vypadku, kali ŭłady subjektaŭ fiederacyi nie mohuć damovicca.
Pa Dejtanskich pahadnieńniach Bośnija i Hiercahavina składajecca z dvuch aŭtanomnych častak — ułasna baśnijska-charvackaj fiederacyi i nasielenaj sierbami Respubliki Sierbskaj.
Miłarad Dodzik kiravaŭ RS z 2010 pa 2018 hod, a zatym viarnuŭsia na pasadu prezidenta ŭ 2022 hodzie. Jon viadomy svaimi prarasijskimi pohladami, akramia taho, u jaho ciopłyja adnosiny z Alaksandram Łukašenkam.
Dodzik nazvaŭ Łukašenku «žyvoj lehiendaj»
Dodzik patrabuje mirnaha adździaleńnia ad Bośnii i Hiercahaviny. Jon prapanuje płan praz 30 dzion
Siarod krain, jakija padtrymlivajuć Ukrainu zbrojaj, jość i Sierbija. Ale nie napramuju
Ułady Respubliki Sierbskaj chočuć pierajmienavać Srebranicu, kab paźbiehnuć napaminu pra hienacyd
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary
Poddieržať Dodika v sarajevskom procieśsie pribyli advokat Trampa i sierby s portrietami Putina
Znoŭ źbieh abstavin vypadak