ZŠA kateharyčna admaŭlajucca ŭklučać harantyi biaśpieki ŭ damovu ab karysnych vykapniach z Ukrainaj
Vašynhton usialak supraciŭlajecca ŭklučeńniu harantyj biaśpieki ŭ damovu, pa jakoj jon spadziajecca atrymać dostup da ŭkrainskich minierałaŭ i inšych resursaŭ.
Kančatkovy prajekt pahadnieńnia pamiž ZŠA i Ukrainaj pa resursach byŭ pieradadzieny ŭ Vašynhton. Jon zasiarodžvajecca na stvareńni fondu rekanstrukcyi Ukrainy, adnak sprečnyja detali, uklučajučy harantyi biaśpieki, pakinutyja na bolš poźnija etapy pieramoŭ. Pra heta paviedamiła ŭkrainskaja krynica, znajomaja z chodam pieramoŭ.
Amierykanski bok usialak supraciŭlacca ŭklučeńniu ŭ damovu harantyj biaśpieki. Kijeŭ spadziajecca, što hetaje pytańnie moža być abmierkavana na budučaj sustrečy prezidentaŭ Uładzimira Zialenskaha i Donalda Trampa, paviedamlaje CNN sa spasyłkaj na infarmavanuju ŭkrainskuju krynicu.
«Z našaha boku ŭsio hatova. My zaviaršyli pracu nad prajektam. My zrabili ŭsio mahčymaje, kab umovy byli razumnymi. U vyniku hetaje ramačnaje pahadnieńnie ab stvareńni fondu rekanstrukcyi Ukrainy. Asobnaje pahadnieńnie praduhledžvaje, jak hety fond budzie funkcyjanavać», — paviedamiła krynica va Ukrainie.
Jana padkreśliła, što «najbolš prablemnyja momanty byli vyklučanyja z prajekta, ale amierykanski bok usio jašče kateharyčna admaŭlajecca ŭklučać u dakumient harantyi biaśpieki».
Krynica vykazała nadzieju, što padčas cyrymonii padpisańnia pytańnie harantyj budzie vyniesiena na razhlad prezidentaŭ.
«My čakajem adkazu amierykanskaha boku», — dadała krynica.
ZŠA imknucca atrymać dostup da krytyčna važnych minierałaŭ i inšych resursaŭ Ukrainy ŭ ramkach bolš šyrokich pieramoŭ, nakiravanych na zakančeńnie vajny. Uzamien Ukraina patrabuje harantyj biaśpieki, imknučysia abaranić siabie ad mahčymaha novaha rasijskaha ŭvarvańnia.
Ukrainski bok praciahvaje damahacca źmien u pahadnieńni, bo biahučy prajekt, jak kažuć ukrainskija čynoŭniki, «nie praduhledžvaje nijakich abaviazacielstvaŭ z boku ZŠA, tady jak Ukraina abaviazana addać usio».
Prezident ZŠA Donald Tramp zajaviŭ, što Ukraina pavinna dać ZŠA 500 miljardaŭ dołaraŭ u vyhladzie krytyčna važnaj syraviny ŭ jakaści kampiensacyi za dapamohu, atrymanuju Kijevam ad papiaredniaj administracyi.
Zialenski adkazaŭ, što Vašynhton pastaviŭ jahonaj krainie ŭzbrajeńnie na sumu 67 miljardaŭ dołaraŭ i pramuju biudžetnuju padtrymku na 31,5 miljarda dołaraŭ. Jon zaklikaŭ ZŠA dać Ukrainie kankretnyja harantyi biaśpieki ŭ abmien na dostup da najvažniejšych resursaŭ.
ZŠA i Ukraina znachodziacca na finalnaj stadyi pieramoŭ pa pahadnieńni ab karysnych vykapniach
Novaja redakcyja pahadnieńnia Ukrainy z ZŠA ab karysnych vykapniach moža być jašče kabalniejšaj za papiaredniuju
Zialenski pakul nie hatovy padpisać pahadnieńnie z ZŠA ab karysnych vykapniach
ZŠA prapanavali Kijevu abnoŭleny prajekt pahadnieńnia pa karysnych vykapniach
Daradca Trampa źviazaŭ jaho rezkija zajavy ab Ukrainie z zatrymkaj «pahadnieńnia pa karysnych vykapniach»
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary
P.S. I nievažno hdie ty živieš v rb ili rf